ДССУ "Спутник V" вакцинасын жактыруу эмнеге кечеңдеп жатканын айтты

© Sputnik / Владимир Трефилов / Фотобанкка өтүү"Спутник V" вакцинасы. Архив
Спутник V вакцинасы. Архив - Sputnik Кыргызстан, 1920, 19.12.2021
Жазылуу
Yandex newsTelegram
ДССУ өкүлү уюм Батыштан чыгарылган препараттарга гана лицензия берилет деген дооматты четке кагып, буга Кытай менен Индиянын вакциналарынын жактырылганын мисал келтирген.
БИШКЕК, 19-дек. — Sputnik. Дүйнөлүк саламаттык сактоо уюмунун расмий өкүлү Маргарет Харрис Россиянын "Спутник V" вакцинасын уюм тарабынан жактыруу эмнеге кечигип жатканын RT телеканалына курган маегинде айтып берди.
"Биз мурдагыдай эле "Спутник V" вакцинасынын техникалык документтеринин топтомун карап жатабыз жана кошумча маалыматтарды күтүүдөбүз. Баалоо жана башка процесстер уланууда", — деген Харрис.
Ал ошондой эле ДССУ Батыштан чыгарылган препараттарга гана лицензия берет деген дооматты четке кагып, буга Кытай менен Индиянын деле вакциналарынын жактырылышын мисал келтирген.
"Ошол эле Батыштын препараттарына да лицензия берүү үчүн көп убакыт кетет, себеби техникалык маалыматтарды толугу менен алышыбыз керек", — деген ДССУ өкүлү.
Буга чейин РФтин саламаттык сактоо министри Михаил Мурашко ДССУ "Спутник V" вакцинасын таануу үчүн буга чейин коюлган бардык чектөөлөрдү алганын, кээ бир гана административдик процедуралар калганын айткан. Андан кийин Түз инвестициялар боюнча россиялык фонддун башчысы Кирилл Дмитриев фонд жакынкы айда уюмдун уруксатын күтүп жатканын билдирген.
"Спутник V" — коронавирус менен ооруп калуунун алдын алуу максатында иштелип чыккан дүйнөдөгү биринчи вакцина. "Спутник V" Россиянын Түз инвестициялар фондунун колдоосу менен Гамалея атындагы улуттук борбордун адистери тарабынан иштелип чыккан. РФте 2020-жылы август айында каттоого алынса, декабрдан тарта аны менен жалпы эмдөө башталган.
"Спутник V" жалпы 4 миллиард кишини камтыган 70тен ашуун мамлекетте жактырылган. Бул жер планетасынын 50 пайыздан көп калкын түзөт. Препараттын эффективдүүлүгү 97,6 пайыз деп бааланууда, мындай жыйынтык эмдөөдөн өткөн 3,8 миллион россиялыктын анализинин негизинде чыгарылган.
Спутник V вакцинанын ампулары - Sputnik Кыргызстан, 1920, 03.12.2021
"Спутник V" вакцинасы "омикрондон" канчалык коргой аларын дарыгер айтып берди
Жаңылыктар түрмөгү
0