Россиялык ЖОЖ түрк дүйнөсү боюнча магистратурада акысыз билим алууга чакырат

© Фото / НОЦ "Большой Алтай" / Серафима ДомановаЗдание Алтайского государственного университета
Здание Алтайского государственного университета - Sputnik Кыргызстан, 1920, 10.12.2021
Жазылуу
Магистрдик программанын студенттери алтай элинин этнографиясын, Чыгыш жана Борбор Азиядагы Россиянын саясатын, эл аралык жана аймактык интеграциялык процесстер, баалуу буюмдарды сактоо сыяктуу жааттарда билим алышат.
БИШКЕК, 10-дек. — Sputnik. Кыргызстандык абитуриенттер Россиянын Сибирь аймагындагы ири окуу жайлардын бирине бюджеттик негизде тапшыра алат.
Алтай мамлекеттик университетинин "Чоң Алтай" түркология жана алтаистика илимий борбору "Түрк дүйнөсүнүн этнокультурологиясы: арт-тажрыйба жана креативдик индустрия" багыты боюнча магистрдик программага тогуз бюджеттик орун бөлүп берди. 
© Фото / из личного архива Нурхат ИманкуловойМамлекеттик тарых музейинин башкы сактоочусу Нурхат Иманкулова
Магистрант АлтГУ Нурхат Иманкулова - Sputnik Кыргызстан, 1920, 14.12.2021
Мамлекеттик тарых музейинин башкы сактоочусу Нурхат Иманкулова
Биринчи ирет бул багыт боюнча студенттер үстүбүздөгү жылы окууга кабыл алынган. Учурда 20 студент билим алып жатса, алардын жетөө кыргызстандык.
"Мен үчүн магистратура бөлүмүндө окуу кесиптик жактан өсүүмө эң сонун түрткү болуп жатат. Мен музей кызматкери болгондуктан кыргыздар менен алтай элинин материалдык жана руханий маданиятын салыштыруу мүмкүнчүлүгү пайда болду", — деди окуу жайда билим алып жаткан Мамлекеттик тарых музейинин башкы сактоочусу Нурхат Иманкулова.
Магистрдик программанын студенттери алтай элинин этнографиясын, Чыгыш жана Борбор Азиядагы Россиянын саясатын, эл аралык жана аймактык интеграциялык процесстер, элдик көркөм маданият, реставрация, баалуу буюмдарды сактоо сыяктуу жааттарда билим алышат.
"Студенттер билим алып жаткан учурда Борбор Азия элдеринин баалуулуктары, маданий байланыштары, маданий жана гуманитардык кызматташтыгы тууралуу маанилүү долбоорлорду иштеп чыкса болот. Келечектеги магистранттар Россия жана Кыргызстандын окумуштууларынан турган эл аралык топтун жетекчилиги алдында иш алып барышат", — деди окуу жайдын Гуманитардык билим берүү институтунун директору Лариса Нехвядович.
Оштогу МГУ филиалы - Sputnik Кыргызстан, 1920, 20.11.2021
Ошто МГУ филиалынын имараты курулуп бүттү. Сүрөттөр
Сөз болуп жаткан "Түрк дүйнөсүнүн этнокультурологиясы: арт-тажрыйба жана креативдик индустрия" багыты боюнча магистрдик программа "Чоң Алтайдын түрк-моңгол дүйнөсү: тарых жана ушул күндөрдөгү көп түрдүүлүк менен биримдик" долбоорунун алкагында ишке ашууда. Ага Россиянын Илим жана жогорку билим берүү министрлиги колдоо көрсөтүп жатат.
"Ири Алтай" долбоорунун алкагында 2022-жылы дагы беш магистрдик программа ачылат. Алар: "Чоң Алтайдын медиа мейкиндигинин социалдык коопсуздугу", "Борбор Азиядагы жаратылышты пайдаланууну башкаруу жана аналитика", "Борбор Азиядагы эл аралык соода: менеджмент жана маркетинг", "Түндүк жана Борбордук Азия аймактарын туруктуу өнүктүрүү боюнча маалыматтарды анализдөөнүн санариптик технологиялары" жана "Түркология".
Жаңылыктар түрмөгү
0