Прокуратура: электр энергиясына карызы бар адамдарды жаап-жашырган схема аныкталды

© Sputnik / Виталий Аньков / Фотобанкка өтүүЖумуш учурунда электрик. Архив
Жумуш учурунда электрик. Архив - Sputnik Кыргызстан, 1920, 06.12.2021
Жазылуу
Жооптуу кызматкерлер коррупциялык кызыкчылыктарын көздөп өздүгү такталбаган, аталган даректе жашабаган же көрсөтүлгөн дареги такыр жок болгон абоненттерди карызкорлордун тизмесине атайылап кошуп келгени белгиленди.
БИШКЕК, 6-дек. — Sputnik. Электр энергиясына болгон карыздарды мыйзамсыз эсептен чыгаруу боюнча туруктуу коррупциялык схема түзүлгөндүгү аныкталды. Бул тууралуу Башкы прокуратура билдирди.
Маалыматка караганда, мамлекеттик "Ош электр", "Жалал-Абад электр", "Чыгыш электр" жана "Түндүк электр" ачык акционердик коомдору менен ыйгарым укуктуу органдарынын жооптуу кызматкерлеринин мыйзамсыз аракеттеринин натыйжасында 2016-2020-жылдар аралыгында жалпы 897 миллион 288 миң 500 сомдук электр энергиясына болгон карыздар мыйзамсыз эсептен чыгарылып, мамлекетке ири өлчөмдө зыян келтирилген.
"Тактап айтканда, жогоруда аталган мекемелер тарабынан абоненттердин карыздарын сот тартибинде өндүрүп алуу боюнча тийиштүү чаралар көрүлбөй, карыздардын орду толтурулган эмес. Башка учурларда сотко доо арыздар берилип, бирок сот аткаруучулардын карыздарды өндүрүүгө мүмкүн эмес деген мыйзамсыз чечимдерине таянып, негизсиз түрдө карыздарды эсептен бошотуп жиберишкен", — деп айтылат маалыматта.
Мамлекеттик салык кызматынын имараты. Архив - Sputnik Кыргызстан, 1920, 02.12.2021
УКМК салыкчылар менен Транспорт министрлигинин кызматкерлерин кармады
Ошондой эле жогорудагы жооптуу кызматкерлер коррупциялык кызыкчылыктарын көздөп өздүгү такталбаган, аталган даректе жашабаган же көрсөтүлгөн дареги такыр жок болгон абоненттерди карызкорлордун тизмесине атайылап кошуп, алардан өндүрүүгө мүмкүн эмес деген негизде карыздарды эсептен чыгарып келишкени белгиленди.
Башкы прокуратура тарабынан жооптуу кызматкерлердин аракетине баа берүү жана мамлекетке келтирилген зыянды өндүрүү максатында Кылмыш-жаза кодексинин 336-беренеси ("Коррупция") менен 4 кылмыш иши козголуп, тергөө амалдары жүргүзүлүүдө.
Жаңылыктар түрмөгү
0
Алгач жаңыларыАлгач эскилери
loader