Нейроинженер келемиштерди компьютердик оюнга үйрөттү. Видео

Жазылуу
Нейроинженер Виктор Тот лабораториялык чычкандарды виртуалдуу дүйнөгө кирип, компьютердик оюндарды ойногонго үйрөткөн. Сегиз жумалык жаныбарлар DOOM II оюнун кадимкидей ойногон. Окумуштуу жаныбарларды Кармар, Ромеро жана Том деп атаган.
National Geographic Россия сайтында окумуштуу келемишке жөнөкөйлөтүп бериш үчүн компьютердин кээ бир жерлерин ыңгайлаштырып чыкканы айтылган. Кийин ал буга эки миң долларга чукул каражат кеткенин билдирген.
Жаныбардын алдында турган мониторго Doom кадимкидей эле туннелдерди, орто жолдо тоскоолдук болуп чыга калган монстр каарманды алып чыгат. Бирок бул вариантта ал ойноп жаткандарга каршылык көрсөтпөйт, болгону жолго туруп алат. Аны чычкан жок кылыш керек.
Камбоджада мина жана жарылуучу заттардын коюлган жерин аныктаган африкалык чоң келемиш - Sputnik Кыргызстан, 1920, 25.09.2020
39 мина тапкан келемиш медаль менен сыйланды. Камбоджадагы окуя
Инженердин түзгөн нерсесине диаметри 40 сантиметр шар колдонулган. Келемиш аны менен чуркап, тоннелде өтүш үчүн же тоскоолдук болуп туруп калган монстр каарманды жок кылыш үчүн тиешелүү тетиктерди басышы керек.
Эгерде чычкан аракет кылып душманды "атып жок кылса", тагыраагы, туура ойносо, анын алдында түтүкчөдөн таттуу суу куюлары айтылган.
"Илимий тажрыйбанын максаты — бир катар үйрөтүүчү аспектилерди автоматташтырууда  болгон. Маселен, эксперименттеги чычкандын атканы кыймылына байланышкан, муну келемиш арткы эки буту менен тура калып жасаган. Нейроинженер анткен менен илимий тажрыйбасына ичи чыкпай, башка жолдорун издеген. Эми ал чычкандын буттарын эмес, баш жагын пайдаланууну көздөгөн. Натыйжада бул жаныбар тетиктерди мурду менен түрткүлөп, басып ойной баштаган. Мурдагыдай арткы эки бутун пайдаланган эмес", — деп айтылган макалада.
Инженер экспериментке тандап алган үч келемиш менен бир сааттан алты жума бою алектенген. Бул мезгил ичинде эксперименттин жыйынтыгын жакшыртыш үчүн ар кыл ыкмаларды пайдаланган, кичинекей жаныбарларга ар кандай аракеттерди үйрөткөн. Ал эми Doom боюнча машыгуу 11 күнгө созулган.
Жаңылыктар түрмөгү
0