БШК бийликти басып алууга шектелген талапкерлерди жоопко тартууга макул болду  

© Sputnik / Алексей Вовк / Фотобанкка өтүүКишенделген жаран. Архив
Кишенделген жаран. Архив - Sputnik Кыргызстан, 1920, 26.11.2021
Жазылуу
Бүгүн бийликти күч менен басып алууга даярданып жаткан деген шек менен 15тен ашык жаран кармалганы кабарланган.
БИШКЕК, 26-ноя. — Sputnik. Парламенттик шайлоого катышып жаткан партиянын биринин тизмесиндеги үч талапкер бийликти басып алууга шектелүүдө. Бул туурасында УКМКнын өзгөчө маанилүү иштер  боюнча улук тергөөчүсү Дамир Суваналиев БШКнын жыйынында билдирди.
Анын айтымында, алар саясий күчтөрдүн колдоосу менен шайлоодон кийин Бишкекте башаламандык уюштурууга камынып жаткан. Анын арты менен мамлекеттик бийликти басып алууга даярданган.
Тергөөчү аталган талапкерлерге карата жетиштүү далилдер чогултулганын белгилеп, Борбордук шайлоо комиссиясынан аларды кылмыш жоопкерчилигине тартууга макулдук берүүнү сурады. Суваналиев тергөөнүн кызыкчылыгы үчүн иштин чоо-жайын ачыктоодон карманарын эскертти.
Бишкек шаарынын бир мандаттуу округу боюнча Жогорку Кеңешинин депутаттыгына талапкерлердин биринин тууганы шайлоочуларга акча бөлүштүрүп жатканда кармалды - Sputnik Кыргызстан, 1920, 17.11.2021
Талапкердин шайлоочуга акча таратууга шектелген тууганы кармалды. Сүрөт, видео
Натыйжада БШКнын мүчөлөрү 10 добуш менен үч талапкерди жоопкерчиликке тартууга макулдук берди. Комиссиянын төрайымы Нуржан Шайлдабекова бул чечим жарыштан четтетүүгө жатпай турганын жана аларга добуш бере берсе болорун билдирди.
Шайлоо мыйзамына ылайык, кылмыш жасаган жеринде кармалган учурларды кошпогондо, талапкер шайлоонун натыйжасы расмий жарыяланганга чейин Борбордук шайлоо комиссиясынын макулдугусуз кылмыш жоопкерчилигине тартуу, кармоо, камакка алуу же жаза чараларын колдонуу мүмкүн эмес.
Белгилей кетсек, бүгүн УКМК менен ИИМдин иликтөөсүнүн натыйжасында бийликти күч менен басып алууга даярданып жаткан деген шек менен 15тен ашык жаран кармалганы кабарланган. Алардын арасында депутаттар менен экс-чиновниктер, талапкерлер бар экени айтылган.
Жаңылыктар түрмөгү
0
Алгач жаңыларыАлгач эскилери
loader