Канадада үйгө метеорит түшүп, уктап жаткан аял бир өлүмдөн калды. Видео
09:22 15.10.2021 (Жаңыртылды: 14:27 14.12.2021)
© AFP / NASA
Жазылуу
Жакын жердеги каньондо курулуш жүрүп жаткандыктан полиция алгач ошол жактан таш ыргытылышы мүмкүн деп болжогон.
БИШКЕК, 15-окт. — Sputnik. Канаданын Голден шаарындагы үйлөрдүн бирине метеорит түшүп, анын ичинде уктап жаткан аял бир өлүмдөн калды. Бул тууралуу National Geographic Россия порталы жазды.
Окуя 4-октябрга караган түнү болуп, үй ээси Рут Гамильтон куткаруу кызматына чалып таш сыяктуу белгисиз зат үйүнүн чатырын тешип түшкөнүн айткан. Метеорит аял жаткан керебетке тийген.
‘I’ve never been so scared in my life:’ Golden, B.C. woman nearly hit by meteorite https://t.co/mx9uoEJnDy pic.twitter.com/G8DL4qftr1
— Global National (@GlobalNational) October 12, 2021
Ага жакын жерде каньондо курулуш жүрүп жаткандыктан полиция алгач ошол жактан таш ыргытылышы мүмкүн деп болжогон. Бирок курулуш компанияга чалганда алар ташты жардыруу иштери жасалбаганын айткан.
Ошол убакта курулушчулар асмандан жарык чыгып, бир нече ирет жарылуунун катуу добушу угулганын билдиришкен. Мындан улам метеорит экенин түшүнүүгө болгон.
A woman from Golden, B.C., says she’s still in shock after she was woken up by a meteorite crashing through her ceiling and landing on her bed. @kyliestanton reports.https://t.co/RjB5RYzBod pic.twitter.com/HD9hs4jYqF
— Global BC (@GlobalBC) October 13, 2021
Үй ээси табылганы Онтариодогу Батыш университетинин окумуштууларына өткөрүп берген. Алар хондрит сыяктуу көмүр кара түстөгү 1270 граммдык таш экенин аныкташкан.
