Кайрат Иманалиев КТРК жетекчисинин милдетин аткармай болду

© Sputnik / Табылды КадырбековМаданият, маалымат, спорт жана жаштар саясаты министри Кайрат Иманалиев
Маданият, маалымат, спорт жана жаштар саясаты министри Кайрат Иманалиев  - Sputnik Кыргызстан, 1920, 15.10.2021
Жазылуу
Yandex newsTelegram
Кайрат Иманалиев буга чейин маданият, маалымат, спорт жана жаштар саясаты министри болуп иштеп, өкмөттүн жаңы курамы түзүлгөндө иштен бошотулган.
БИШКЕК, 15-окт. — Sputnik. Коомдук телерадиоберүү корпорациясынын башкы директору Бактияр Алиев өз каалоосу менен иштен кетип, жетекчинин милдетин аткаруучу болуп Кайрат Иманалиев дайындалды. Бул тууралуу Sputnik Кыргызстандын кабарчысына КТРКнын Байкоочу кеңешинин мүчөсү Сыягүл Караман билдирди.
"Бүгүн Бактияр Алиев өз ыктыяры менен иштен кетүү боюнча арызын жазып, биз аны кабыл алдык. Учурда жетекчинин милдетин Кайрат Иманалиев аткарып турмай болду. Жакында башкы директордук кызматка сынак жарыяланат", — деди Караман.
Алиев бул кызматты былтыркы жылдын декабрь айынын аягынан бери аркалап келе жаткан. Ал эми Кайрат Иманалиев буга чейин маданият, маалымат, спорт жана жаштар саясаты министри болуп иштеп, өкмөттүн жаңы курамы түзүлгөндө иштен бошотулган.
Жаңылыктар түрмөгү
0