Иманалиев Кайрат Олжобаевич — өмүр баяны

© Sputnik / Асель АкматалиеваИманалиев Кайрат Олжобаевич
Иманалиев Кайрат Олжобаевич - Sputnik Кыргызстан, 1920, 02.02.2021
Жазылуу
Кайрат Иманалиев 1977-жылы 29-ноябрда Бишкек шаарында туулган. Ал орто билимди Каракол шаарындагы Токтогул Сатылганов атындагы мектеп-лицейинде алып, мектепти алтын медаль менен аяктаган.
Билими:
  • 1998 — Жусуп Баласагын атындагы Кыргыз улуттук университетинин журналистика факультетин бүтүргөн;
  • 2000 — Жусуп Баласагын атындагы Кыргыз улуттук университетинде магистратураны аяктаган;
  • 2009-2012 — Президенттин алдындагы мамлекеттик башкаруу академиясынан билим алган.
Эмгек жолу:
  • 1999 — Кыргыз улуттук телерадиоберүү корпорациясынын "Казына" адабий-драмалык редакциясында баяндамачы;
  • 2004-2009 — "Казына" адабий-драмалык редакциясында башкы редактор;
  • 2009-2011 — "Кыргыз радиосунун" башкы редакторунун орун басары;
  • 2007-2019 — Махмуд Кашгари-Барскани атындагы Чыгыш университетинин доценти,
  • 2009-2012 — Махмуд Кашгари-Барскани атындагы Чыгыш университетинде журналистика кафедрасынын башчысы;
  • 2011- 2018 — Коомдук телерадиоберүү корпорациясынын башкы директорунун орун басары;
  • 2018-2019 —"Руханият" эл аралык ассоциациясынын вице-президенти;
  • 2018 — Кыргыз-Түрк "Манас" университетинде доцент;
  • 2019-жылдан бери маданият, маалымат жана туризм министринин орун басары;
Учурда өкмөттүн жаңы курамына маданият, маалымат, спорт жана жаштар саясаты министри катары кирди.
Кайрат Иманалиев драматург жана журналист. Анын "Курманжан датка", "Атаке баатыр", "Актриса", "Көк Теңирдин белеги", "Манасчы", "Жаркынайым", "Коркут", "Керээз", "Үмүт" аттуу драмалары театрларда коюлган. Мындан сырткары, Иманалиев бир нече чыгармалардын жана сценарийлердин автору.
Иманалиев Чыңгыз Айтматов атындагы мамлекеттик жаштар сыйлыгынын лауреаты жана КР маданиятына эмгек сиңирген ишмер. Мындан сырткары да бир топ сыйлыктардын ээси.
Жаңылыктар түрмөгү
0