Милиция саясатка аралашпасын! ИИМде шайлоо алдында кеңешме өттү
11:47 11.10.2021 (Жаңыртылды: 22:59 15.12.2021)
© Фото / пресс-служба МВД
Жазылуу
Коомдук коопсуздукту камсыздоо максатында райондор менен айылдарды бириктирген автоунаа жолдоруна жана айрым тилкелерге видеокамераларды орнотуу тууралуу кеп болгон.
БИШКЕК, 11-окт. — Sputnik. Бүгүн ИИМде Жогорку Кеңештин депутаттарын шайлоо өткөрүү маалында коомдук тартипти сактоо, кылмыштуулук менен күрөшүүнү жана укук бузууларды алдын алууну күчөтүү маселелери боюнча онлайн кеңешме болду. Бул тууралуу аталган министрликтин маалымат кызматынан кабарлады.
1/3
© Фото / пресс-служба МВД
Бүгүн ИИМде Жогорку Кеңештин депутаттарын шайлоо өткөрүү маалында коомдук тартипти сактоо, кылмыштуулук менен күрөшүүнү жана укук бузууларды алдын алууну күчөтүү маселелери боюнча онлайн кеңешме болду
2/3
© Фото / пресс-служба МВД
Аны ИИМ жетекчиси Улан Ниязбеков ички иштер органдарынын бөлүктөрүнүн жетекчилери менен өткөргөн
3/3
© Фото / пресс-служба МВД
Министр ички иштер органдарынын негизги тапшырмаларын белгилеген.
1/3
© Фото / пресс-служба МВД
Бүгүн ИИМде Жогорку Кеңештин депутаттарын шайлоо өткөрүү маалында коомдук тартипти сактоо, кылмыштуулук менен күрөшүүнү жана укук бузууларды алдын алууну күчөтүү маселелери боюнча онлайн кеңешме болду
2/3
© Фото / пресс-служба МВД
Аны ИИМ жетекчиси Улан Ниязбеков ички иштер органдарынын бөлүктөрүнүн жетекчилери менен өткөргөн
3/3
© Фото / пресс-служба МВД
Министр ички иштер органдарынын негизги тапшырмаларын белгилеген.
Аны ИИМ жетекчиси Улан Ниязбеков ички иштер органдарынын бөлүктөрүнүн жетекчилери менен өткөргөн.
Министр ички иштер органдарынын негизги тапшырмаларын белгилеген. Андан сырткары, алдыда боло турган окуянын маанилүүлүгүн эске алып, шайлоого даярдануу жана өткөрүү маалында коомдук тартип менен коопсуздуктун деңгээлин жогорулатууга багытталган бир катар чараларды көргөндүгүн билдирген.
"Өлкөбүздүн туруктуулугу, ар бир жарандын коопсуз жашоосу жана эртеңки күнгө ишеними баарынан жогору турат. Шайлоо иш-чарасы болобу же коомдук тартипти камсыздап, кылмыштуулукка каршы күрөшүү болобу, ички иштер органдары өзүнө жүктөлгөн милдеттерди гана аткарып, саясаттан алыс болууга тийиш", — деген Ниязбеков.
Коомдук коопсуздукту камсыздоо, кылмыштуулукка каршы күрөшүүнү чыңдоо максатында аймактарга, райондор менен айылдарды бириктирген автоунаа жолдоруна жана айрым тилкелерге видеокамераларды орнотууга жетишүү керектиги тапшырылган.
Чогулуштун жыйынтыгы менен кызматтардын алдына бир катар тапшырмалар коюлган:
- Борбордук шайлоо комиссиясына, жер-жердеги аймактык шайлоо комиссияларына мыйзам чегинде жана ички иштер органдарынын ыйгарымынын чегинде көмөк көрсөтүлсүн;
- Бир дагы кызматкер шайлоонун жүрүшүнө жана саясатка аралашпасын. Шайлоого аралашуу фактылары аныкталса, жетекчи болобу же катардагы кызматкер болобу катуу тартиптик жаза колдонулат:
- "Милициянын көчмө кабылдамалары" өз ишмердигин улантып, коомчулуктун көйгөйлөрүн жеринде чечүүгө көмөк көрсөтүү үчүн сервистик тейлөөлөр күчөтүлсүн;
- Коомдук жайларда, көчөлөрдө жана эл көп чогулуучу аймактарда коомдук тартипти камсыздоо, ар түрдүү укук бузууларды алдын алуу иштери жүргүзүлсүн;
- Жардам сурап кайрылган жарандардын чакырууларына ыкчам баруу, кылмыш менен жоруктардын изин суутпай бетин ачуу иштери колго алынсын.
Онлайн режиминде өткөн жыйындын ишине министрдин орун басарлары, ИИМдин Борбордук аппаратынын тиешелүү кызматтарынын, Баткен, Ош, Жалал-Абад, Нарын, Ысык-Көл, Талас, Чүй облустарынын, Бишкек жана Ош шаарларынын ички иштер башкы башкармалыктарынын жетекчилери катышкан.
