AstraZeneca менен "Спутник Лайтты" кошуп эмдөө майнаптуу экени айтылды. Иликтөө

© Пресс-служба мэра и правительства Москвы / Медиабанкка өтүүКоронавируска каршы "Спутник Лайт" вакцинасы. Архив
Коронавируска каршы Спутник Лайт вакцинасы. Архив - Sputnik Кыргызстан, 1920, 27.09.2021
Жазылуу
Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

БИШКЕК, 27-сен. — Sputnik. Коронавируска каршы AstraZeneca жана "Спутник Лайт" вакциналарын кошуп эмделүү S-белогуна карата антителолордун кыйла көбөйө турганын көрсөттү. Азербайжандагы биргелешкен изилдөөнүн жыйынтыгы тууралуу Россиянын Түз инвестициялар фондунун (РТИФ) маалыматына таянып РИА Новости жазды.

"Анализдердин алдын ала жыйынтыгы боюнча иликтөөгө катышып, вакцина сайдырган ыктыярчылардын 85 пайызында SARS-CoV-2 вирусунун S-белогуна карата антителолордун деңгээли кеминде эле төрт эсеге көбөйгөнү аныкталган. Мындай натыйжа изилдөөнүн 57-күнүндө байкалды", — деп айтылат билдирүүдө.

Маалыматтар эки компонентти тең алган алгачкы 20 катышуучуга байкоо жүргүзгөндөн кийинки жыйынтыкка негизделди. Биринчи AstraZeneca сайылса, экинчи жолкусунда "Спутник Лайт" алган. Эки вакцинанын аралыгы 29 күндү түздү.

Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

Спутник V вакцинасы. Архив - Sputnik Кыргызстан, 1920, 26.09.2021
Гамалея институту: "Спутник V" башка бардык вакциналар менен айкалышат
Вакциналарды айкалыштыруу боюнча клиникалык иликтөөлөр Азербайжандан тышкары Бириккен Араб Эмирлиги менен Россияда жүргүзүлүп жатат. Эми Беларуста да өткөрүүгө жол ачылды.

Гетерогендик бустирлөө ("вакциналык коктейль") ыкмасы биринчи жолу "Спутник V" вакцинасынын негизинде пайдаланылган. РТИФ алгачкылардан болуп "Спутник V" препаратынын биринчи компонентин чет элдик вакциналар менен айкалыштыруу демилгесин көтөрүп чыккан.

2020-жылдын декабрында Россия президенти Владимир Путиндин катышуусунда РТИФ, Н.Ф. Гамалея борбору, "Р-Фарм" компаниялар тобу жана AstraZeneca компаниясы кызматташуу тууралуу макулдашууга кол коюшкан. Анда AstraZeneca менен "Спутник V" препаратынын биринчи компонентин айкалыштырып, комбинациянын коопсуздугун биргелешип изилдөөдөн өткөрүү каралган болчу.

Жаңылыктар түрмөгү
0