Конвойлукка баары чыдай бербейт. Соттолгондорду ташыгандар тууралуу видео

Жазылуу
Yandex newsTelegram
Конвой абактын ичиндеги кызматкер эмес. Ал өмүрүн тобокелге салып айыпталуучуларды бир абактан экинчисине ташыйт же сот отурумуна алып барат.

Иш моралдык жактан оор болгондуктан баары эле чыдай бербейт. Кызмат кимдер үчүн экенин Sputnik Кыргызстан агенттигинин тартуу тобу билип келди.

Конвойлор Жаза аткаруу мамлекеттик кызматынын Түзөтүү мекемелерин, соттолгондор менен камакка алынгандарды кайтаруу жана күзөтүү департаментинде кызмат өтөйт.

Аталган департаменттин жетекчисинин орун басары, полковник Муратбек Кожобековдун айтымында, өздүк курам мөөнөттөгү аскерлерден жана офицерлерден турат.

© Sputnik / Табылды КадырбековЖаза аткаруу мамлекеттик кызматынын Түзөтүү мекемелерин, соттолгондор менен камакка алынгандарды кайтаруу жана күзөтүү департаменттин жетекчисинин орун басары, полковник Муратбек Кожобеков
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Жаза аткаруу мамлекеттик кызматынын Түзөтүү мекемелерин, соттолгондор менен камакка алынгандарды кайтаруу жана күзөтүү департаменттин жетекчисинин орун басары, полковник Муратбек Кожобеков
"Көбү 18-19 жаштагы анык мөөнөттөгү кызматкерлер. Аларды бир айлык карантинде окутуп, ок атканды үйрөтүп, уставдын беренелерин, мыйзамдарды жаттатып, даярдыктан өткөндөн кийин сынак тапшыртып кызматка дайындайбыз. Андан сырткары, офицер, прапорщиктер бар. Алардын жаш курагы 30-40тын тегерегинде. Офицердик курам толугу менен кызмат өтөөдө, бош орун деген бизде аз", — деди Кожобеков.

Департаментте иш таң атпай башталат. Аскерлер көнүгүү жасап, тамактанып, ишке даярдык көрүшөт. 08.00дөн тарта атайын автоунаа менен абактарга жөнөшөт.

Унаанын алды жагына айдоочу менен кароол башчы, арт жагына автоматчан күзөтчү менен кароол башчынын жардамчысы отурат. Алар бири-бири менен үн берүүчү аппарат аркылуу байланышта болушат.

© Sputnik / Табылды КадырбековАвтомобиль для перевозки осужденных на территории Департамента охраны исправительных учреждений и конвоирования ГСИН
Конвойлор саат 08.00дөн тарта атайын автоунаа менен абактарга жөнөшөт  - Sputnik Кыргызстан
1/7
Конвойлор саат 08.00дөн тарта атайын автоунаа менен абактарга жөнөшөт
© Sputnik / Табылды КадырбековСотрудники ГСИН на территории СИЗО №1 в Бишкеке
Унаада айыпталуучуну бир нече аскер кайтарып, коштоп барат  - Sputnik Кыргызстан
2/7
Унаада айыпталуучуну бир нече аскер кайтарып, коштоп барат
© Sputnik / Табылды КадырбековСотрудник Департамента охраны исправительных учреждений и конвоирования ГСИН у служебного авто
Кызмат өтөгөндөр жолдо ар кандай учурларга туш болобуз дейт  - Sputnik Кыргызстан
3/7
Кызмат өтөгөндөр жолдо ар кандай учурларга туш болобуз дейт
© Sputnik / Табылды КадырбековСотрудники Департамента охраны исправительных учреждений и конвоирования ГСИН
Абакка түшкөндөрдүн айрымдары качууга аракет кылат экен   - Sputnik Кыргызстан
4/7
Абакка түшкөндөрдүн айрымдары качууга аракет кылат экен
© Sputnik / Табылды КадырбековСотрудник Департамента охраны исправительных учреждений и конвоирования ГСИН на онлайн судебном заседании
Конвойлор айыпкерлерди сотко да ташыйт  - Sputnik Кыргызстан
5/7
Конвойлор айыпкерлерди сотко да ташыйт
© Sputnik / Табылды КадырбековСотрудники Департамента охраны исправительных учреждений и конвоирования ГСИН ведут задержанного
Бирок азыр отурумдар онлайн өтүүдө - Sputnik Кыргызстан
6/7
Бирок азыр отурумдар онлайн өтүүдө
© Sputnik / Табылды КадырбековСотрудники Департамента охраны исправительных учреждений и конвоирования ГСИН на онлайн судебном заседании
Тергөө абактарындагы айрым бөлмөлөр аралыктан сот процессин өткөрүүгө ылайыкташтырылган - Sputnik Кыргызстан
7/7
Тергөө абактарындагы айрым бөлмөлөр аралыктан сот процессин өткөрүүгө ылайыкташтырылган
1/7
Конвойлор саат 08.00дөн тарта атайын автоунаа менен абактарга жөнөшөт
2/7
Унаада айыпталуучуну бир нече аскер кайтарып, коштоп барат
3/7
Кызмат өтөгөндөр жолдо ар кандай учурларга туш болобуз дейт
4/7
Абакка түшкөндөрдүн айрымдары качууга аракет кылат экен
5/7
Конвойлор айыпкерлерди сотко да ташыйт
6/7
Бирок азыр отурумдар онлайн өтүүдө
7/7
Тергөө абактарындагы айрым бөлмөлөр аралыктан сот процессин өткөрүүгө ылайыкташтырылган

Конвой менен биздин тартуу топ дагы ЖАМКтын 21-мекемесине барды. Эл ичинде №1 тергөө деп айтылган жайга сырттагыларды дыкат текшерип киргизишет экен. Бул жактан конвойлор соттолуучуну Аскер прокуратурасына алып жөнөштү.

Департаменттин 2-ротасынын кароол башчысы Иманбек Султангазиев жолдон ар кандай учурлар болуп кетерин жашырган жок.

© Sputnik / Табылды КадырбековДепартаменттин 2-ротасынын кароол башчысы Иманбек Султангазиев
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Департаменттин 2-ротасынын кароол башчысы Иманбек Султангазиев
"Кол салган учурлар болгон. Эми курал менен кол салуу эмес, мушташуу ыкмалары болот. Качып кеткиси келгендер бар. Мисалы, бир жерим ооруп жатат деши мүмкүн. Бизди алаксытып, манёвр да. Анын бардыгын бизге окутат, үйрөтөт, ошонун бардыгын практика жүзүндө колдоно билебиз. Менин милдетим автоунаанын ичиндеги аскерлер менен айыпталуучулардын жана соттолуучулардын коопсуздугуна кам көрүү", — деди Султангазиев.

Автоунаа абактагыларды бир жерден экинчи жерге ташууда жолдон себепсиз токтобошу керек. Бул үчүн ЖАМК унааларга орноткон GPS-навигатор аркылуу байкоо жүргүзүп турат.

© Sputnik / Табылды КадырбековӨздүк курам мөөнөттөгү аскерлерден жана офицерлерден турат
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Өздүк курам мөөнөттөгү аскерлерден жана офицерлерден турат

Конвойлор айыпкерлерди сотко да ташыйт. Бирок азыр отурумдар онлайн өтүүдө. Тергөө абактарындагы айрым бөлмөлөр аралыктан сот процессин өткөрүүгө ылайыкташтырылган.

Ошондой эле абактын тышында мунарада автоматчан турган аскерлерди көрсөңүз керек. Бул милдетти да ЖАМК департаментинин кызматкерлери аткарат. Алар өз аймагынан кылмышкерди качырбашы керек, зарыл учурда курал колдоно алат.

© Sputnik / Табылды КадырбековАбактын тышында мунарада автоматчан турган аскерлерди көрсөңүз керек. Ал милдетти департаменттегилер аткарат
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Абактын тышында мунарада автоматчан турган аскерлерди көрсөңүз керек. Ал милдетти департаменттегилер аткарат

"Уставдын жана беренелердин негизинде жалгыз сакчы болуп турганда өз алдынча колдонууга (курал) укуктуу. Ал командирдин же жетекчинин буйругун күтпөйт", — дейт департаменттин жетекчисинин орун басары Муратбек Кожобеков.

Департаментте кызмат өтөөгө ашыккандар көп дейт жетекчилер. Себеби оңой эмес жумушта аскерлер бышат. Биринчи батальондун командири, подполковник Рахат Токтоналиев болочок аскерлерге кеңешин берди.

© Sputnik / Табылды КадырбековБиринчи батальондун командири, подполковник Рахат Токтоналиев
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Биринчи батальондун командири, подполковник Рахат Токтоналиев
"Жаза аткаруу мамлекеттик кызматынын департаментине кызмат өтөөгө военкоматтарда сынак өтө эле күчтүү. Себеби ал жактан кызмат өтөп кеткен аскер кызматкерлери башка күч түзүмдөрүнө такшалып барат. Жаңы келип жаткан аскер кызматкерлери үчүн кызмат оор эле болот . Ошого чыдап, эрктүү болушу керек. Эч нерседен тайманбагыдай болуп, жан дүйнөсүн даярдап келиши шарт. Баарына чыдайм, көтөрө билем деп. Ошондо, менимче, кызмат оңой жана жеңил өтөт", — деди Токтоналиев.
© Sputnik / Табылды КадырбековДепартаментте кызмат өтөөгө ашыккандар көп дейт жетекчилер. Себеби оңой эмес жумушта аскерлер бышат.
Конвойлукка баары чыдай бербейт. Соттолгондорду ташыгандар тууралуу видео - Sputnik Кыргызстан, 1920, 21.09.2021
Департаментте кызмат өтөөгө ашыккандар көп дейт жетекчилер. Себеби оңой эмес жумушта аскерлер бышат.

Түзөтүү мекемелерин, соттолгондор менен камакка алынгандарды кайтаруу жана күзөтүү департаментинин кызматкерлери Кыргызстан боюнча иштеп, облус жана шаар аралап айыпталуучуларды ташыйт. Ошондой эле Россия жана Казакстан сыяктуу келишим түзүлгөн мамлекеттерден соттолгондорду алып келет.

Жаңылыктар түрмөгү
0