БИШКЕК, 21-сен. — Sputnik. 23-сентябрь күнү Бишкекте иш издегендерге бош орундар жарманкеси өтөт. Бул тууралуу Саламаттык сактоо жана социалдык өнүктүрүү министрлигинин Бишкек шаары боюнча ишке орноштурууга көмөктөшүү бөлүмүнүн башчысы Дина Анарбаева кабарлады.
© Sputnik / Табылды КадырбековСаламаттык сактоо жана социалдык өнүктрүү министрлигинин Бишкек шаары боюнча ишке орноштурууга көмөктөшүү бөлүмүнүн башчысы Дина Анарбаева
![4 миң орун. Бишкекте 1,5 жылдан берки алгачкы иш орундар жарманкеси өтөт 4 миң орун. Бишкекте 1,5 жылдан берки алгачкы иш орундар жарманкеси өтөт - Sputnik Кыргызстан, 1920, 21.09.2021](https://sputnik.kg/img/07e5/09/15/1053972188_0:0:3072:2048_1920x0_80_0_0_76b27fb8ac7733c5ec032e76a0230e28.jpg)
Саламаттык сактоо жана социалдык өнүктрүү министрлигинин Бишкек шаары боюнча ишке орноштурууга көмөктөшүү бөлүмүнүн башчысы Дина Анарбаева
Ал Sputnik Кыргызстан агенттигинин мультимедиалык маалымат борборунда өткөн брифингге катышты.
"23-сентябрда Чоңдорду окутуу ассоциациясы менен биргеликте бош орундар жарманкесин өткөрөбүз. Иш-чара "Ала-Тоо" кинотеатрынын алдында саат 13.00дө башталат. Ага жумуш берүүчүлөр катышып, Бишкек боюнча 3 миң, өлкө боюнча миңдей жумуш орун сунушталат", — деди адис.
Акыркы ирет мындай жарманке 2020-жылдын февраль айында өткөрүлгөн. Кийин пандемиядан улам уюштурулбай келген.