Жапаровдун кырсыктаган кортежи боюнча экспертизанын жыйынтыгы чыкты

© Пресс-служба президента КР / Султан ДосалиевКортеж унаасындагы желек. Архив
Кортеж унаасындагы желек. Архив - Sputnik Кыргызстан, 1920, 10.09.2021
Жазылуу
Жеңил унаанын айдоочусу кырсык учурунда мас абалда болгону жана жол кыймылы эрежелерин бузганы айтылды.

БИШКЕК, 10-сен. — Sputnik. Ички иштер министрлиги июнь айында Чолпон-Атада президент Садыр Жапаровдун кортежи кабылган жол кырсыктын чоо-жайы тууралуу маалымат берди.

Кортеж катышкан жол кырсыгы 4-июнь күнү Ананьево айылына жакын жерде болгон. Президенттин маалымат кызматы кортеждеги Toyota Land Cruiser каршы тилкеге чыгып алган Subaru Outback унаасы менен кагышканын билдирген. Мунун кесепетинен УКМКнын 9-кызматынын (Мамлекеттик кайтаруу кызматы) 37 жаштагы кызматкери, ортопед-травматолог Илгиз Усубалиев каза болгон. Ал эми экинчи машинанын айдоочусу ооруканага түшкөн.

Колл-центр Прямой линии с президентом РФ В. Путиным - Sputnik Кыргызстан, 1920, 31.08.2021
ИИМ 100дөй кыргызстандыктын телефон сүйлөшүүсү тыңшалганын тастыктады, бирок...
ИИМ соттук-медициналык экспертизанын корутундусу Subaru автоунаасынын айдоочусу К. Чынжырбаев мас абалында болгону аныкталганын билдирди.

Ал эми соттук-транспорттук-трассологиялык экспертиза жеңил унаанын айдоочусу КР Жол кыймылы эрежесинин 3.3 пунктун бузганы белгиленди. Анда маягы же үн чыгаруучу сигналын иштетип бараткан автоунаалардын кортежине тоскоолдук кылууга жана аларды кууп өтүүгө тыюу салынары жазылган.

Мындан улам айдоочу Чынжырбаевге Жазык кодексинин 297 ("Жол кыймылынын жана автомототранспорт каражаттарын эксплуатациялоонун эрежелерин бузуу") жана 135-беренеси ("Этиятсыздыктан киши өлтүрүү") боюнча шектелип жатканы боюнча кабар берилген. Анын баш коргоо чарасы тандалып, тергөө абагына камалган.

 

Жаңылыктар түрмөгү
0