БИШКЕК, 1-сен. — Sputnik. Президент Садыр Жапаров Кыргызстан жарандыгынан чыгаруу жана кабыл алуу боюнча жарлыктарга кол койду. Бул туурасында мамлекет башчысынын маалымат кызматынан кабарлашты.
Кыргызстандын калкынын саны эми 227 кишиге көбөйдү, тагыраагы, жарандык 179 чоң кишиге жана 48 балага берилген. Алардын көпчүлүгү тарыхый мекенине кайтып келген этникалык кыргыздар.
Ал эми Кыргызстандын жарандыгынан 180 киши чыкса, алардын 150сү чоңдор, ал эми 30у балдар экени айтылды.
Жарандык алган жана андан чыккандар туурасында толук тизме менен бул шилтемеден таанышууга болот.