Журналист өмүрүн тобокелге салып репортаж жасаган видео

Жазылуу
Аль Рокер аттуу америкалык синоптик жана теле алып баруучу АКШнын Жаңы Орлеан калаасына келип, "Ида" ураганы болуп жаткан кооптуу жээктен репортаж жасап көптөрдү таңгалдырса, кээ бир кишилердин нааразылыгына кабылды. Бул тууралуу РИА Новости жазды.

Ал эми видеосу NBC News телеканалынын YouTube каналына жарыяланды. 

Бороон туурасында репортаж жасап жаткан журналист Аль Рокер аны "өтө катуу башаламандыкты жаратып жаткан кубаттуу ураган" деп атады. Кадрдан аны толкун уруп, этек-жеңин жулкулдата учуруп жатканын көрүүгө болот. Сырттан карагандар бул ирмемдерди тынч туруп көрө албайт, себеби аны толкун бир секундада алып же жыгып кетиши мүмкүн.

Куугаган чөпкө конуп турган чымчык - Sputnik Кыргызстан, 1920, 13.08.2021
Өрт жана суу апааты. Глобалдуу ысыктын кесепетин чагылдырган 15 сүрөт
Бул видео алардын Twitter аккаунтуна да жарыяланып, бир нече миң лайктар басылып, жүздөгөн комментарийлер жазылган.

Көрүүчүлөр тынчсыздангандыгын жазып, океан аны заматта жууп кетиши мүмкүн деп кооптонушкан. Алардын кээ бири телеканалды жакшы кадрлар үчүн адам өмүрүн тобокелге салып жатканына күнөөлөгөн. Ал эми бир катарлары "жаратылыштын бул кубулушунун кубатын дал жанынан сезип жатканына" суктанган.

"Ида" ураганы АКШнын түштүгүн кандуу "Катринадан" 16 жыл өткөндөн кийин каптады. Ал кезегинде 1,8 миң кишинин өмүрүн алып, аталган аймактын капчыгын 125 миллард долларлык зыянга учуратып кеткен.

АКШнын урагандарды байкоо боюнча улуттук борбору (NHC) ал Луизиана штатындагы Порт-Фуршон шаарынын жээгин каптагандыгын билдирген.

Жаңылыктар түрмөгү
0