Чүйдөгү жүрөк үшүн алган кырсык. Ооруканага жеткирилген кыз да каза болду

© Фото / пресс-служба МЧС КРПоследствия ДТП на трассе Бишкек — Токмок
Последствия ДТП на трассе Бишкек — Токмок - Sputnik Кыргызстан, 1920, 21.08.2021
Жазылуу
Кечээ болгон каргашада үч адам көз жумган. Арасында ымыркайы менен 18 жаштагы келин да бар экени айтылган болчу. Калганы ооруканага жеткирилген.

БИШКЕК, 21-авг. — Sputnik. Чүйдүн Ивановка айылында болгон жол кырсыгынан жабыркагандардын бири каза болгонун Чүйдүн Жол кыймылы коопсуздугун камсыздоо башкы башкармалыгынан билдирди.

Работа маршрутного такси в Бишкеке - Sputnik Кыргызстан, 1920, 21.08.2021
Көлдө журналисттер кабылган жол кырсык: өкмөт алдыдагы унааны күнөөлөдү
Каргаша кечээ болгон. Daymler Chrysler автоунаасы бетон тосмону сүзүп, натыйжада 32 жаштагы айдоочу, 18 жаштагы келин ымыркайы менен мерт болгон.

Үч киши ооруканага жеткирилген. Бүгүн 26 жаштагы кыздын көз жумганы белгилүү болду. Ушу тапта ооруканада 44 жаштагы аял менен анын 23 жаштагы уулу дарыланып жатат.

Буга чейин ЖКККББ жолдогу камера Daymler Chrysler саатына 140 чакырым ылдамдык менен келе жатканын каттап калганын маалымдаган. Тийиштүү экспертизалар дайындалып, иш иликтенип жатат.

Жаңылыктар түрмөгү
0