Радиостудия Sputnik Кыргызстан в Бишкеке - Sputnik Кыргызстан, 1920
Радио

Калиева: чылым чегүү 15-20 жылда ракты пайда кылышы мүмкүн

© Sputnik / Асель СыдыковаПульмонолог Анара Калиева
Пульмонолог Анара Калиева  - Sputnik Кыргызстан, 1920, 01.06.2021
Жазылуу
Республикалык ден соолукту чыңдоо жана массалык коммуникация борборунун дарыгери, пульмонолог Анара Калиева чылымдын түрлөрү, насвай чегүү инсульт, инфаркт, рак ооруларына кептей турганын айтты.
Чылымда адам организмине зыян алып келүүчү 7000ден ашуун уулуу зат бар. Бул тууралуу Анара Калиева Sputnik Кыргызстан радиосунун эфиринде маек куруп жатып билдирди.
Калиева: чылым чегүү 15-20 жылда ракты пайда кылышы мүмкүн
Анын айтымында, тамеки чегүүнүн зыянын адам 15-20 жылдан кийин гана тарта баштайт.
"Өлкөдө өпкө рагына кабылган 10 кишинин тогузу тамеки чеккендер. Өкүнүчтүүсү — алардын арасында өзү активдүү чылым тартпаса да тамеки чеккен кишинин жанында жүрүп пассивдүү чеккен абалда жабыркагандар бар. Чылым чегүү биринчи кезекте кан тамырларды ичкертет. Анын кесепетинен инфаркт, инсульт, гангрена илдеттери пайда болот. Ошондой эле иммунитетти түшүрүп, респиратордук жугуштуу ооруларды илештирип алуу коркунучун 50 пайызга көбөйтөт. Учурда өлкөдө 426 миң адам чылым чегери катталган. Тилекке каршы, өспүрүмдөрдүн арасында да 2,5 пайызы чылымдын ар кандай түрлөрүн чегерин моюнга алышкан. Алар буу аркылуу тарткан тамекилерди зыянсыз деп ойлошот. Бирок, тескерисинче, никотин анда көбүрөөк өлчөмдө өпкөгө кирип, организм үчүн олуттуу коркунуч алып келет", — деди Калиева.
Дарыгер тамеки чегүүнүн зыяндуулугун коомго айтып-деп турган өнөктүктөр маал-маалы менен өткөрүлүп туруусу зарылдыгын кошумчалады.
Жаңылыктар түрмөгү
0