https://sputnik.kg/20210426/diplomattyn-olumu-miliciya-ehkspertiza-zhyjyntyk-1052271848.html
Дипломаттын өлүмү. Милиция экспертизанын алгачкы жыйынтыгын жарыялады
Дипломаттын өлүмү. Милиция экспертизанын алгачкы жыйынтыгын жарыялады
Sputnik Кыргызстан
Буга чейин саламаттык сактоо министри Алымкадыр Бейшеналиев дипломат анафилактикалык шоктон көз жумганын айткан. 26.04.2021, Sputnik Кыргызстан
2021-04-26T19:56+0600
2021-04-26T19:56+0600
2021-12-15T22:53+0600
жаңылыктар
коом
кыргызстан
тим
кр саламаттык сактоо министрлиги
милиция
соттук-медициналык экспертиза
https://sputnik.kg/img/104676/23/1046762305_0:36:3067:1771_1920x0_80_0_0_93b7ded880c9e11e01df9d786b1c4638.jpg
БИШКЕК, 26-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакировдун өлүмү боюнча дайындалган соттук-медициналык экспертизанын алгачкы жыйынтыгы даяр болду. Бул тууралуу борбор калаанын Ички иштер башкы башкармалыгынан кабарлашты.Маалыматка караганда, экспертизанын жыйынтыгы Шакиров жүрөк артериясынын атеросклероз илдетинен көз жумганын көрсөткөн.Адистер муну менен катар лабораториялык изилдөөлөрдүн жыйынтыгын эске алуу менен кылмыш ишиндеги материалдардын көчүрмөсүн изилдеп чыгышкан.Милициядан белгилешкендей, соттук медициналык экспертизанын "цефтриоксон менен физраствор препараттарынын сайылышынан улам жүрөгү кармаганбы?" жана "өлөр алдында алынган препараттар менен жүрөктүн кармашынын байланышы барбы, болсо кандай?" деген суроолорду кароого компетенттүүлүгү жок.Мындан улам Саламаттык сактоо министрлигинин адистеринин катышуусунда комплекстик соттук-медициналык экспертиза дайындоо пландалып жатат.Буга чейин саламаттык сактоо министри Алымкадыр Бейшеналиев Бактияр Шакиров анафилактикалык шоктон көз жумганын айткан.Эске салсак, 2-апрелде ТИМге караштуу Консулдук кызмат департаментинин директорунун орун басары Бахтияр Шакиров Эне жана баланы коргоо улуттук борборунда көз жумган. Буга байланыштуу аталган оорукана жетекчиси баш болуп, башкы дарыгер, лор бөлүмүнүн башчысы жана медайым убактылуу кызматтан четтетилген.Кызматтык иликтөөнүн жыйынтыгы чыккандан кийин күнөөлүүлөргө чара көрүлөрү айтылган.Буга чейин Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.
https://sputnik.kg/20210402/oorukana-tort-kishi-kyzmattan-ketti-1051980871.html
https://sputnik.kg/20210426/covid-indiyada-krematoriy-sooktor-kocho-orttoo-surot-1052268722.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, тим, кр саламаттык сактоо министрлиги, милиция, соттук-медициналык экспертиза
жаңылыктар, коом, кыргызстан, тим, кр саламаттык сактоо министрлиги, милиция, соттук-медициналык экспертиза
Дипломаттын өлүмү. Милиция экспертизанын алгачкы жыйынтыгын жарыялады
19:56 26.04.2021 (Жаңыртылды: 22:53 15.12.2021) Буга чейин саламаттык сактоо министри Алымкадыр Бейшеналиев дипломат анафилактикалык шоктон көз жумганын айткан.
БИШКЕК, 26-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакировдун өлүмү боюнча дайындалган соттук-медициналык экспертизанын алгачкы жыйынтыгы даяр болду. Бул тууралуу борбор калаанын Ички иштер башкы башкармалыгынан кабарлашты.
Маалыматка караганда, экспертизанын жыйынтыгы Шакиров жүрөк артериясынын атеросклероз илдетинен көз жумганын көрсөткөн.
Адистер муну менен катар лабораториялык изилдөөлөрдүн жыйынтыгын эске алуу менен кылмыш ишиндеги материалдардын көчүрмөсүн изилдеп чыгышкан.
Милициядан белгилешкендей, соттук медициналык экспертизанын "цефтриоксон менен физраствор препараттарынын сайылышынан улам жүрөгү кармаганбы?" жана "өлөр алдында алынган препараттар менен жүрөктүн кармашынын байланышы барбы, болсо кандай?" деген суроолорду кароого компетенттүүлүгү жок.
Мындан улам Саламаттык сактоо министрлигинин адистеринин катышуусунда комплекстик соттук-медициналык экспертиза дайындоо пландалып жатат.
Буга чейин саламаттык сактоо министри Алымкадыр Бейшеналиев Бактияр Шакиров анафилактикалык шоктон
көз жумганын айткан.
Эске салсак, 2-апрелде ТИМге караштуу Консулдук кызмат департаментинин директорунун орун басары Бахтияр Шакиров Эне жана баланы коргоо улуттук борборунда көз жумган. Буга байланыштуу аталган оорукана жетекчиси баш болуп, башкы дарыгер, лор бөлүмүнүн башчысы жана медайым убактылуу кызматтан четтетилген.
Кызматтык иликтөөнүн жыйынтыгы чыккандан кийин күнөөлүүлөргө чара көрүлөрү айтылган.
Буга чейин Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.
Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.
Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна
көлөкө түшүрүп жатканын билдирген.
