Казино мыйзамына каршы болгондор Ак үйдүн алдына митингге чыгышты. Сүрөттөр
11:42 15.04.2021 (Жаңыртылды: 22:52 15.12.2021)
© Sputnik / Бегимай Бакашева
Жазылуу
Нааразычылык акциясына чыккандар колдоруна "Көз жашка чыланган акча, кумар оюну эч кимге жөлөк боло албайт", "Казино каргашалуу бизнес" деп жазылган плакаттарды кармап турушат.
БИШКЕК, 15-апр. — Sputnik. Бишкекте Жогорку Кеңештин имаратынын алдына бир нече киши Ысык-Көл облусуна казино ачууга уруксат берген мыйзам долбооруна каршы тынчтык митингине чыгышты.
Бишкекте Жогорку Кеңештин имаратынын алдына бир нече киши Ысык-Көл облусуна казино ачууга уруксат берген мыйзам долбооруна каршы тынчтык митингине чыгышты
© Sputnik / Бегимай Бакашева
Алар колдоруна "Көз жашка чыланган акча, кумар оюну эч кимге жөлөк боло албайт", "Казино каргашалуу бизнес" деп жазылган плакаттарды кармап турушат.
Катышуучулардын бири Медер Тилектеш уулунун айтымында, алар "жаңы эле митингдер тынчып, коронавирус күч алып турганда көп адамды чогулткусу келген эмес".
"Казинолорду ачык-айкын иштетүүгө жол берген мыйзам долбоору биринчи окууда каралды. Биз буга каршыбыз. Арам акча менен бюджетти толтурабыз деп жатышат. Эгер элин бага албаса, орундарын бошотуп билимдүү, иштей турган адамдарга өткөрүп беришсин", — деди ал.
Чогулгандардын арасында казинодон жабыркагандар дагы бар.
Алар колдоруна "Көз жашка чыланган акча, кумар оюну эч кимге жөлөк боло албайт", "Казино каргашалуу бизнес" деп жазылган плакаттарды кармап турушат
© Sputnik / Бегимай Бакашева
"Менин балам кумар оюндарына берилген, тапкан-ташыганынын баары ошол жакка кетет. Мен көз жашы төгүлгөн миңдеген энелердин атынан чыгып жатам. Казиного чет элдиктер гана барат деп жатышат. Бирок өзүбүздүн балдар дагы барбайт деп эч ким кепилдик бере албайт. Балдарды дүйнөдө өнүгүп жаткан инновациялык технологияларга, жаңы кесиптерге үйрөтүүнүн ордуна маңкурт кылып казиного киргизип койгонубуз туура эмес", — деди катышуучулардын бири.
Мындан кийин тынчтык митингине чыккандар Өкмөт үйүнүн алдына берууну пландап жатат.
15 Чын Куран 2021, 10:39
Эске салсак, Жогорку Кеңештин депутаттары Бактыбек Турусбеков жана Дастан Жумабеков Ысык-Көл облусуна казино ачууга уруксат берген мыйзам долбоорун демилгелеп, ал өткөн аптада биринчи окууда каралган.
Турусбековдун айтымында, бул мыйзам долбоору Ысык-Көлгө туристтик сезонду өнүктүрүү жана бюджетти толтуруу максатында сунушталууда. Аэропорттун жанына атайын зона курулуп, чет элдик жарандарга гана кумар оюндарын ойноого уруксат берилет. Ал эми кыргызстандыктарга тыюу салынат.
Буга көпчүлүк депутаттар каршы чыгып, туристтик сезонду өнүктүрүү үчүн башка ыкманы колдонууга болорун айтып чыгышкан.
