ДССУ коронавирус пандемиясынын парадоксу жөнүндө айтты

© Sputnik / Мигель Кандела / Медиабанкка өтүүМедициналык маска кийген метро жүргүнчүлөрү. Архив
Медициналык маска кийген метро жүргүнчүлөрү. Архив - Sputnik Кыргызстан
Жазылуу
Адистер COVID-19га каршы вакциналар пандемияга чекит коёт деп үмүт бергени менен илдеттин жаңы, андан да жугуштуу түрлөрүнүн пайда болушу тынчсыздандырганын белгилеп жатышат.
БИШКЕК, 29-янв. — Sputnik. Дүйнөлүк саламаттык сактоо уюмунун Европа аймактык бюросунун директору Ханс Клюге коронавируска каршы вакциналар пайда болгондон кийин дүйнөдө кызык кырдаал жаралгандыгын белгиледи. Бул тууралуу ал брифингде сүйлөгөнүн РИА Новости жазды.
Клюгенин айтымында, COVID-19га каршы чыгарылган вакциналар пандемияга чекит коёт деп үмүт берет. Бирок коронавирустун жаңы, андан да жугуштуу түрлөрүнүн пайда болушу тынчсыздандырууда. Мындан тышкары, вирусту жуктуруп алгандардын көбөйүшү калктын калың катмарын эмдөөдөн өткөрүү зарылчылыгын жаратат.
"Коомчулук вакциналардын жардамы менен эпидемия тез арада бүтөт деп үмүттөнүп жатат. Ошол эле учурда аларды жаңы коркунучка байланыштуу чектөө чараларын колдонууга үндөп жатышат. Бул адамдар арасында чыңалууну, тынчсызданууну, чарчоону жана башаламандыкты жаратууда. Бул азыркы шартта түшүнүктүү", — деген Клюге.
Ал, ошондой эле, жаңы мутация 49 мамлекетте табылганын белгиледи. Европанын 33 өлкөсүндө коронавирустун "британиялык" штаммы, 16 мамлекетте "түштүк африкалык" варианты аныкталган.
Киши офтальмологдун кабинетинде. Архив - Sputnik Кыргызстан
Соо жер калтырбайт окшойт. Адис COVID-19 көздү да жабыркатарын айтты
Коронавирустун "британиялык" штаммы алгачкы жолу декабрдын ортосунда табылган. Бул ондогон өлкөлөрдү Улуу Британиядан саякаттап келгендерге чектөө киргизүүгө аргасыз кылган. Өткөн аптада Англиянын премьер-министри Борис Джонсон жаңы мутация COVID-19га кабылган бейтаптардын өлүмүнүн жогорку көрсөткүчү менен байланыштуу болушу мүмкүн деп белгиледи.
SARS-CoV-2 коронавирусунун 501.V2 штаммы октябрда Түштүк Африкада пайда болгон. ECDC ооруну көзөмөлдөө жана алдын алуу борборунун маалыматына ылайык, вирустун бул түрү учурда Түштүк Африкада жайылып жатат. Бул штамм да "британиялык" сыяктуу жугуштуу экенин алдын ала изилдөөлөр көрсөткөн.
Жаңылыктар түрмөгү
0