https://sputnik.kg/20210114/eaehb-pensiyasy-kimder-zhana-kandaj-shartta-alyshat-1051109239.html
ЕАЭБ пенсиясын кимдер кандай шартта алышат? 7 суроого жооп
ЕАЭБ пенсиясын кимдер кандай шартта алышат? 7 суроого жооп
Sputnik Кыргызстан
Шейшемби, 12-январь күнү, ЕАЭБ курамындагы мамлекеттердин жарандарын пенсия менен камсыздоо боюнча Евразия экономикалык комиссиясы иштеп чыккан келишим күчүнө... 14.01.2021, Sputnik Кыргызстан
2021-01-14T20:01+0600
2021-01-14T20:01+0600
2021-12-15T22:49+0600
коом
миграция
кыргызстан
азия
дүйнөдө
россия
евразиялык экономикалык биримдик
пенсия
мигранттар
еаэбдеги кыргызстан
https://sputnik.kg/img/07e5/01/0e/1051105550_0:160:3075:1889_1920x0_80_0_0_9c73bec18575cfb7b9f7028ed12ba61f.jpg
Никита ЧикуновАл биримдикке кирген бардык өлкөлөрдүн аймагында ишке ашат. Россия, Казакстан, Беларусь, Армения жана Кыргызстан мигранттарга пенсия төлөп берүүгө милдеттүү.Эмгек стажы кантип эсептелет?2021-жылдын 12-январынан кийинки гана учур эске алынат. Эгер бир өлкөдө иштеген стаж пенсияга чыгууга жетиштүү болбой жатса, ЕАЭБге кирген башка мамлекеттеги иштеген учурлар кошо эсептелет.Пенсияны ким ала алат?Пенсия алыш үчүн мигрант аталган келишим күчүнө киргенден баштап өлкөдө бери дегенде 12 ай иштеши зарыл. Мындан тышкары, ал эмгектенип жаткан мамлекеттин социалдык же пенсиялык фонддоруна убагында тиешелүү төлөмдөрдү төлөп турууга милдеттүү.Пенсия кантип чегерилет?Пенсияга курагы жеткен жаран тиешелүү документтерин чогултуп, иштеп жаткан өлкөнүн социалдык же пенсиялык фондуна кайрылуусу зарыл. Эгер документтери жайында болсо, ал өз мекенине барып отурбай, ошол эле жерден пенсиясын ала баштайт.Пенсия кайсы төлөмдөрдөн куралат?ЕАЭБ пенсиясы базалык жана экспорттолгон болуп эки бөлүктөн турат. Биринчи бөлүгү адам жашаган мамлекет тарабынан төлөнөт. Экспорттолгон бөлүгүн ал мурда иштеген өлкө (ЕАЭБдин курамындагы) жиберип турат.Мисалы, Кыргызстандын жараны аталган келишим күчүнө киргенден кийин Россияда — беш, Беларуста — төрт, Арменияда — бир жыл иштеп, кийин мекенине кайтты дейли. Ал жакта дагы бир аз убакыт эмгектенди. Демек, ал төрт мамлекеттен тең пенсиясынын экинчи бөлүгүн алат. Ал эми базалык бөлүгүн ага ошол учурда жашап жаткан өлкө катары Кыргызстан төлөйт.Кайсы өлкөдө базалык пенсиянын көлөмү кандай?Башка өлкөгө кетсе, пенсиянын көлөмү өзгөрөбү?Бир өлкөдөн экинчисине көчүп кете турган болсо, пенсиянын көлөмү кайра каралып чыгат. Анткени жогоруда айтылгандай, базалык бөлүктүн көлөмү ар кайсы өлкөдө ар башка. Бирок эмгек стажы боюнча пенсиясы мурдагыдай кала берет.Ким пенсия ала албайт?ЕАЭБ пенсиясын күч органдарынын кызматкерлери, аскер адамдары жана алардын үй-бүлө мүчөлөрү ала албайт. Ошондой эле булардын катарын мамлекеттик кызматкерлер дагы толуктайт.
https://sputnik.kg/20201218/migranttarga-berilchu-pensiya-karazhat-1050821337.html
https://sputnik.kg/20210113/mamduma-kyrgyzstandyktar-rossiyada-ishsiz-kalbajt-1051096226.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
коом, миграция, кыргызстан, азия, дүйнөдө, россия, евразиялык экономикалык биримдик, пенсия, мигранттар, еаэбдеги кыргызстан
коом, миграция, кыргызстан, азия, дүйнөдө, россия, евразиялык экономикалык биримдик, пенсия, мигранттар, еаэбдеги кыргызстан
ЕАЭБ пенсиясын кимдер кандай шартта алышат? 7 суроого жооп
20:01 14.01.2021 (Жаңыртылды: 22:49 15.12.2021) Шейшемби, 12-январь күнү, ЕАЭБ курамындагы мамлекеттердин жарандарын пенсия менен камсыздоо боюнча Евразия экономикалык комиссиясы иштеп чыккан келишим күчүнө кирди.
Ал биримдикке кирген бардык өлкөлөрдүн аймагында ишке ашат. Россия, Казакстан, Беларусь, Армения жана Кыргызстан мигранттарга пенсия төлөп берүүгө милдеттүү.
Эмгек стажы кантип эсептелет?
2021-жылдын 12-январынан кийинки гана учур эске алынат. Эгер бир өлкөдө иштеген стаж пенсияга чыгууга жетиштүү болбой жатса, ЕАЭБге кирген башка мамлекеттеги иштеген учурлар кошо эсептелет.
18 Бештин айы 2020, 18:07
Пенсия алыш үчүн мигрант аталган келишим күчүнө киргенден баштап өлкөдө бери дегенде 12 ай иштеши зарыл. Мындан тышкары, ал эмгектенип жаткан мамлекеттин социалдык же пенсиялык фонддоруна убагында тиешелүү төлөмдөрдү төлөп турууга милдеттүү.
Пенсияга курагы жеткен жаран тиешелүү документтерин чогултуп, иштеп жаткан өлкөнүн социалдык же пенсиялык фондуна кайрылуусу зарыл. Эгер документтери жайында болсо, ал өз мекенине барып отурбай, ошол эле жерден пенсиясын ала баштайт.
Пенсия кайсы төлөмдөрдөн куралат?
ЕАЭБ пенсиясы базалык жана экспорттолгон болуп эки бөлүктөн турат. Биринчи бөлүгү адам жашаган мамлекет тарабынан төлөнөт. Экспорттолгон бөлүгүн ал мурда иштеген өлкө (ЕАЭБдин курамындагы) жиберип турат.
Мисалы, Кыргызстандын жараны аталган келишим күчүнө киргенден кийин Россияда — беш, Беларуста — төрт, Арменияда — бир жыл иштеп, кийин мекенине кайтты дейли. Ал жакта дагы бир аз убакыт эмгектенди. Демек, ал төрт мамлекеттен тең пенсиясынын экинчи бөлүгүн алат. Ал эми базалык бөлүгүн ага ошол учурда жашап жаткан өлкө катары Кыргызстан төлөйт.
Кайсы өлкөдө базалык пенсиянын көлөмү кандай?
- Армения — 18 миң драм (3 миң сомдон ашыгыраак);
- Беларусь — базалык пенсия эмгек стажына жараша аныкталат;
- Кыргызстан – 1,5 миң сом жана кошумча төлөмдөр;
- Россия — 6044 рубль, кошумча төлөмдөр бар.
Башка өлкөгө кетсе, пенсиянын көлөмү өзгөрөбү?
Бир өлкөдөн экинчисине көчүп кете турган болсо, пенсиянын көлөмү кайра каралып чыгат. Анткени жогоруда айтылгандай, базалык бөлүктүн көлөмү ар кайсы өлкөдө ар башка. Бирок эмгек стажы боюнча пенсиясы мурдагыдай кала берет.
ЕАЭБ пенсиясын күч органдарынын кызматкерлери, аскер адамдары жана алардын үй-бүлө мүчөлөрү ала албайт. Ошондой эле булардын катарын мамлекеттик кызматкерлер дагы толуктайт.
