Адамгерчилиги бийик экен! UWW Айсулуунун аракетин жылдын жагымдуу учуру деп атады

© Фото / UWW / Kadir CALISKANКыргызстандык балбан Айсулуу Тыныбекова Европанын эки жолку чемпиону, латвиялык Анастасия Григорьева менен мелдеши
Кыргызстандык балбан Айсулуу Тыныбекова Европанын эки жолку чемпиону, латвиялык Анастасия Григорьева менен мелдеши - Sputnik Кыргызстан
Жазылуу
Эл аралык спорттук уюм узап бара жаткан жылдын жыйынтыгын чыгарып, өткөрүлгөн мелдештердеги жагымдуу учурларды эскерет.

БИШКЕК, 30-дек. — Sputnik. Дүйнөлүк күрөш уюму (UWW) Айсулуу Тыныбекованын Дүйнө кубогу мелдешинин финалынан кийин атаандашынын көңүлүн жубаткан аракетин 2020-жылдагы эң жагымдуу учур деп атады. Эл аралык уюм расмий Instagram баракчасында узап бара жаткан жылдын жыйынтыгын чыгарып, жагымдуу учурларды эскерген. 

Посмотреть эту публикацию в Instagram

Публикация от Olympic Wrestling (@unitedworldwrestling)

Тизмени UWW уюмунун видео адиси жана дизайнери Хелена Куртис түзгөн.

"Тыныбекова килемге эң жогорку даярдыкта келип, Дүйнө кубогун утту. Финалда ал латвиялык Анастасия Григорьеваны жеңип алды. Атаандашын көтөрүп чаап уткан соң жеңишти майрамдап чуркап кетип калуунун ордуна, килемге катуу түшкөн атаандашынын ден соолугун сурап, анын көңүлүн жубатты. Бул анын мыкты спортчу эле эмес, бийик адамгерчилигинен кабар берет", — деп айтылат билдирүүдө.

UWW уюму буга чейин Айсулуунун финалда атаандашын көтөрүп чапкан ыкмасын мыкты деп атап, окуянын видеосун Instagram баракчасына жарыялаган болчу.

Кыргызстандык балбан кыздар Мээрим Жуманазарова, Назира Марсбек кызы, Айсулуу Тыныбекова, Нураида Анаркулова, Айсулуу Тыныбекова жана Айпери Медет кызы - Sputnik Кыргызстан
Биринен өтүп бири сулуу... Белгилүү балбан кыздардын майрамдык сүрөттөрү
Айсулуу Тыныбекова аталган турнирде төрт кармаш өткөрүп, бардык атаандаштарын таза артыкчылык менен уткан. Жалпы эсеп 47:2 болгон. UWW уюму муну эске алып, кыргыздын балбан кызын Дүйнө кубогундагы мыкты спортчу деп тапкан.

Спорттук күрөштүн түрлөрү боюнча Сербияда өткөн жекелик Дүйнө кубогу мелдешинде 62 килограмм салмакта Айсулуу Тыныбекова чемпион болуп, алтын медаль тагынган. Финалда кыргызстандык балбан кыз Европанын эки жолку чемпиону, латвиялык Анастасия Григорьеваны 14:0 эсебинде уткан.

Жаңылыктар түрмөгү
0