Аралаш мушташ боюнча MMA Championship 1 турнири 26-декабрь күнү Россиянын Самара шаарында өткөн.
Октагондо мушкер тажикстандык Фируз Ходибаев менен беттешти. Ал буга чейин төрт мелдеш өткөрүп, баарында жеңүүчү болгон. Беттештин видеосу FightSpace YouTube каналына жүктөлдү.
Октагонго жаңы чыккан мушкердин кыймыл-аракети социалдык тармактын колдонуучуларынын күлкүсүн келтирди.
"Өтүп бара жаткан бирөөнү кармап алып, октагонго киргизип ийишкен го", — деп жазды колдонуучулардын бири.
"Кыргыздын духу бар экен, бирок техникасын үйгө унутуп калыптыр", — деп жазылган комментарийлердин биринде.
"Бул балага ышкыбоздордун мелдешине чыгууга дагы эрте экен, кесипкөйлөрдү айтпай эле коелу", — деди үчүнчү колдонуучу.
Комментарийлердин арасында уюштуруучулардын ишине нааразы болгондор дагы чыкты. Даярдыгы жок киши катуу жаракат алып калышы мүмкүн эле дегендер дагы болду.
