Министр Айдарбеков чет жактагы кыргызстандыктар качан добуш берип бүтөрүн айтты

© Фото / Республиканский штаб КР по борьбе с COVID-19Тышкы иштер министри Чыңгыз Айдарбеков брифинг учурунда
Тышкы иштер министри Чыңгыз Айдарбеков брифинг учурунда - Sputnik Кыргызстан
Жазылуу
Быйыл чет өлкөлөрдө шайлоочулардын саны 32 602ге жетти. Алар 40тан ашык шайлоо участкасында добуш бере алышат.

БИШКЕК, 4-окт. — Sputnik. Чет өлкөлөрдөгү кыргызстандыктардын эң акыркысы АКШнын Вашингтон шаарындагы элчиликте добуш беришет. Бул тууралуу тышкы иштер министри Чыңгыз Айдарбековго шилтеме берип ведомствонун маалымат кызматынан билдиришти.

"Добуш берүү Вашингтонтогу элчиликтин участкасында жыйынтыкталат (Вашингтон менен Бишкектин убакыт айырмасы 10 саат — ред.) Бишкектеги эртең мененки саат 9:00гө карата чет өлкөлөрдө 535 адам добуш берди. Биз жарандардын шайлоого толук катышуусун күтөбүз", — деди Айдарбеков.

Анын айтымында, быйыл чет өлкөлөрдө шайлоочулардын саны 32 602ге жетти. Биринчи жолу добуш берүү шайлоо участогу Россиянын Түштүк Сахалин шаарында ачылды.

2020-жылкы парламенттик шайлоо кандай өтүп жатат?

Бардык дипломатиялык мекемелерде санитардык-эпидемиологиялык коопсуздук талаптары сакталып жатканы кошумчаланды.

Бүгүн, 4-октябрда, Кыргызстанда парламенттик шайлоо өтүп жатат.

Жаңылыктар түрмөгү
0