Парламенттик шайлоонун партиялар боюнча алдын ала жыйынтыгы. АСУ эсеби

Жазылуу
Кыргызстанда парламенттик шайлоо 28-ноябрда (жекшемби күнү) өтөт. Анын жыйынтыгы бардык шайлоо участкалар жабылгандан кийин аныкталып, аны Борбордук шайлоо комиссиясы жарыялайт. 

БШК алгач автоматтык урналардын эсебинин негизиндеги алдын ала жыйынтыкты жарыялайт, андан соң бюллетендердин ар бири колдо саналгандан кийинки жыйынтык айтылат.

2021-жылдагы Жогорку Кеңешке шайлоо жаңы добуш берүү системасы боюнча өтөт: 54 талапкер партиялык тизме боюнча, ал эми 36 талапкер бир мандаттуу шайлоо округдарынан шайланат.

Шайлоочу партиялык тизме менен добуш берүүдө тигил же бул партияны колдоо менен кошо анын тизмесиндеги өзү каалаган талапкерди да тандайт. Талапкерлердин алган добуштарынын саны ал ат салышып чыккан партия ээ болгон мандаттарды бөлүштүрүүдө эске алынат.

ЖКга өтүү үчүн партия эки шайлоо босогосун багындырышы керек: жалпы Кыргызстан боюнча добуштардын 5 пайызына жана ар бир облус, Бишкек жана Ош шаарларында берилген добуштардын 0,5 пайызына ээ болуу зарыл.

Шайлоонун жыйынтыгы боюнча бир партияга ЖКда 27ден ашык мандат берилбейт. Кыргызстандын парламентиндеги депутаттык орун үчүн жалпысынан 21 партия ат салышат. Алардын ар биринин тизмесинде 54төн талапкер көрсөтүлгөн.

Жогорку Кеңешке шайлоонун расмий жыйынтыгы 18-декабрга чейин аныкталат.

Эске салсак, Кыргызстанда өткөн жылдын 4-октябрында болгон парламенттик шайлоонун жыйынтыгы 5-6-октябрдагы окуядан кийин жокко чыгарылган.

Жаңылыктар түрмөгү
0