БИШКЕК, 9-авг. — Sputnik. Бир сутка ичинде өлкөдө дагы 10 медиктин коронавирус жуктуруп алганы аныкталды. Бул тууралуу Республикалык штаб маалымдады.
Аймактар боюнча алып караганда статистика төмөнкүдөй:
- Бишкек шаары — 3;
- Ош шаары — 1;
- Баткен облусу — 2;
- Жалал-Абад облусу — 1;
- Чүй облусу — 1;
- Ош облусу — 2.
Ошол эле учурда ооруканалардан алты медицина кызматкери дарыланып чыккан. Ал эми үй карантининде жаткан 38 медиктин айыкканы кабарланды.
Өлкөдө коронавирусту дагы 541 адам жеңди
Жалпысынан республика боюнча COVID-19 диагнозу менен медицина кызматкерлеринин арасынан 2 948 учур катталды. Алардын ичинен 2 141и айыгып, 70тен ашык ак халатчан көз жумду.
