Адистер Кыргызстандагы суурлардын санын тактап чыкты

© Фото / пресс-служба ГАООС и ЛХКыргызстандын жаратылышындагы суур
Кыргызстандын жаратылышындагы суур - Sputnik Кыргызстан
Жазылуу
Өлкөдө суурдун үч түрү жашайт. Алардын бири боз, экинчиси кызыл түстө. Ал эми үчүнчүсү Кызыл китепке кирген Мензбира.

БИШКЕК, 4-авг. — Sputnik. Биотүрдүүлүктү сактоо жана өзгөчө коргоодогу жаратылыш аймактары департаментинин кызматкерлери Кыргызстандагы суурларды каттоо ишин аяктады. Бул тууралуу аталган мекеменин маалымат кызматы билдирди.

Ага ылайык, өлкөдө суурдун үч түрү жашайт. Алардын бири боз, экинчиси кызыл түстө. Ал эми үчүнчүсү Кызыл китепке кирген мензбира сууру.

"Бул санак жаныбарларды коргоо ишинин алкагында жана суурлардын санын маалыматтар базасына киргизүү максатында жасалды. Кыргызстандын аймагында алардын саны бүгүнкү күндө 341 425ти түзө турганы аныкталды", — деп айтылат маалыматта.

Өлүмүш болуп арстандардын азуусунан кутулган иттин видеосу

Маалым болгондой, суурдун үч түрүнүн ичинен Кыргызстанда боз түстөгүсү көп. Быйыл мындай жаныбардан 164 927 баш катталган. Кызыл түстөгү суурлар деле басымдуу. Алардын саны 164 040 экени аныкталды. Ал эми Кыргызстандын Кызыл китебине кирген мензбира жаныбары өлкөдө аз санда, тагыраагы - 12 458.

Суурларды каттоо боюнча талаа иштери жетекчилик менен макулдашылып жасалганы кошумчаланды.

Жаңылыктар түрмөгү
0