Өкмөт товарды идентификациялоочу каражат менен маркалоонун мөөнөтүн узартты

© Sputnik / Виталий Белоусов / Медиабанкка өтүүТамеки кутусун маркалап жаткан кызматкер. Архив
Тамеки кутусун маркалап жаткан кызматкер. Архив - Sputnik Кыргызстан
Жазылуу
Коронавирус пандемиясынын шартында өлкөдөгү өзгөчө кырдаалды эске алуу менен ишкерлик субъектилеринин кайрылуусу менен токтом чыкты.

БИШКЕК, 25-июл. — Sputnik. Өкмөт Кыргызстанда товарларды идентификациялоочу каражаттар менен милдеттүү маркалоону киргизүү убактысын узартуу чечимин кабыл алды. Бул тууралуу Экономика министрлигинин маалымат кызматынан кабарлашты.

Өкмөт тарабынан 2019-жылы Кыргызстанда айрым товарларды санариптик идентификациялоочу каражаттар менен маркалоонун тартиби жөнүндө токтом кабыл алынган. Анда быйылкы жылдын 1-июлуна чейин алкоголдук жана тамеки продукцияларын идентификациялоочу каражаттар менен маркалоо каралган.

Салыктык отчётторду тапшыруу мөөнөтү 1-октябрга чейин узартылды

"Ушул эле учурда коронавирус пандемиясынын шартында жана өлкөдөгү өзгөчө кырдаалды эске алуу, ошондой эле ишкерчилик субъектилеринин кайрылуусу менен өкмөт быйыл 17-июлда токтом кабыл алды. Анда алкоголдук продукцияларга милдеттүү түрдө маркалоону киргизүү 2020-жылдын 1-ноябрына чейин, ал эми тамеки продукцияларына маркалоону киргизүү 2020-жылдын 1-октябрына чейин узартылды", — деп билдирди Экономика министрлигинен.

Максат — ата мекендик өндүрүүчүлөрдү жана керектөөчүлөрдү контрафакт продукциялардан коргоо, эсепке алынбаган, контрабандалык жол менен орун которуп жаткан товарларды эсепке алууну күчөтүү жана көмүскөдөгү товар айлантууну кыскартуу.

Жаңылыктар түрмөгү
0