БИШКЕК, 26-июн. — Sputnik. "Пакистан эл аралык аба жолдору" авиакомпаниясынын 150 пилотунун учуу боюнча лицензиясы жасалма экендиги текшерүүдө аныкталды. Бул туурасында CNN өлкөнүн авиация министри Гулам Сарвар Хандын айтканына таянып билдирди.
Эске салсак, 22-майда "Пакистан эл аралык аба жолдорунун" Airbus A320 учагы Лахор калаасынан Карачи шаарына учуп баратып аэропортко жакын жерден кулаган. Бортто 99 адам болгон, алардын 97си набыт болуп, эки жүргүнчү аман калган. Учак кыйраган жерде жашаган тургундар дагы жаракат алып, бир кыз ооруканада каза болгон.
Анын себептеринин бири катары учкучтар COVID боюнча сүйлөшүп бара жатып, алаксып кеткендиги айтылган.
Алоолонгон от, ызы-чуу. Пакистандагы учак кырсыгынан аман калган адамдын баяны
Министр Airbus 320 кулаган кырсыкты иликтеп жатканда ар бир үчүнчү пилоттун учууга лицензиясы жок экендиги аныкталгандыгын айткан.
"Ички каттамдарда иштеген 860 пилоттун 262си эказамен тапшырган эмес, ордуна экзаменге кирип чыккандарга акча төлөп беришкен. Учкучтардын бул жаатта тажрыбайсы болгон эмес", — деди Хан.
Ал атайын комиссия пилоттордун лицензиясы эл аралык жана ички стандарттарга туура келер же келбесин текшерип чыккандыгын айтты. Анын жыйынтыгында өзүнө лицензия жасап алган 150 учкуч аныкталып, иштен четтетилген.
Асманда күйүп, жерге кулаган учак. Казак бийлиги себебин иликтеп баштады
Ал арада "Пакистандын эл аралык аба жолдорунун" өкүлү Абдулла Хафиз Associated Press агенттигине учкучтар жасалма документ менен иштегени үчүн жоопко тартыларын айтты.
