БИШКЕК, 19-июн. — Sputnik. Онколог Иван Карасев ичеги-карын рагынын өөрчүп жатканынан кабар берген беш белгини атап берди. Бул тууралуу РИА Новости жазды.
Анын айтымында, рактын бул түрүнө диагноз коюу оор. Ал көбүнчө операция учурунда билинет.
"Адам ичеги-карын рагына кабылганда жүрөгү айланып, кускусу келет. Киндик тушу көөп, ичи катып же өтөт. Ошондой эле заңы кан аралаш чыгып калат", — деген дарыгер.
Онколог белгилегендей, рактын аталган түрүнө ичеги-карынында өнөкөт жана тукум кууган оорулары барлар көбүрөөк чалдыгат.
Дарттын алдын алуу үчүн дарыгер куурулган, ышталган жана майлуу тамактарды аз жеш керектигин сунуш кылды.
Буга чейин окумуштуулар рак илдети менен күрөшө турган сегиз азыкты тизмектеген эле.
