БИШКЕК, 15-июн. — Sputnik. Коронавирус жугузуп алып ооруканага түшкөндөрдүн арасында 27 бейтаптын абалы оор. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
“Бүгүнкү күндө стационарда 531 киши бар. 27 бейтаптын абалы оор болсо, анын ичинен төртөө реанимацияда. Калгандарынын абалы орточо жана канааттандырарлык деп бааланууда”, — деди Үсөнбаев.
Ооруканадан 1813 киши сакайып чыкты.
15-июнга карата Кыргызстанда COVID-19 вирусун жуктуруп алгандардын жалпы саны 2 372ге жетти. Алардын ичинен 27 киши көз жумду.
