Өкмөт: жыштык маселесин Абылгазиев эмес, Асрандиев талкуулаган

© Фото / Пресс-служба правительства/ Алишер АлиевВице-премьер Эркин Асрандиев
Вице-премьер Эркин Асрандиев - Sputnik Кыргызстан
Жазылуу
Yandex newsTelegram
Асрандиев радиожыштыктар мамлекеттин активи болуп саналарын жана мамлекет жыштык ээси катары пайда көрүүчү болушу керектиги тууралуу позициясын айтканы кабарланды.

БИШКЕК, 3-июн. — Sputnik. Радиожыштык маселеси боюнча тиешелүү компаниялар менен вице-премьер Эркин Асрандиев жана өкмөт аппаратынын кызматкерлери жолуккан. Бул туурасында өкмөттүн маалымат кызматы билдирүү таратты.

Киши тротуарда бара жатат. Архив - Sputnik Кыргызстан
Жыштык чырына тиешеси жок. УКМК Байымбетовдун иштен кетишин түшүндүрдү
Социалдык тармактарда премьер-министр Мухаммедкалый Абылгазиевдин "Верный капитал" жана "Скай Мобайл" компанияларынын өкүлдөрү менен жолуккандыгы тууралуу тараган маалымат боюнча өкмөттүн басма сөз кызматы аталган жолугушуунун кыскача стенограммасын жарыялады.

Анда 15-майда Абылгазиев эмес, вице-премьер Эркин Асрандиевдин жана өкмөттүн аппарат кызматкерлеринин "Верный капитал" компаниялар тобунун башкы директору, анын өнөктөшү Ерлан Оспанов жана "Скай Мобайл" ЖЧКсынын башкы директору Евгений Кражан менен Кыргызстандагы "Скай Мобайл" компаниясынын ишмердүүлүгүнө байланыштуу маселелер боюнча жолугушуусу өткөндүгү айтылган.

"Жолугушуу учурунда негизинен салык жана радиожыштыктар маселелери талкууланды. Анын ичинде Салык кызматынын жана компаниянын ортосунда талаштуу болгон роумингге жана резидент эместердин кирешесине КНС кошуу маселеси бар. Бул талаш мыйзам менен белгиленген тартипте каралууга тийиш жана өкмөт соттук процесстердин ишмердүүлүгүнө кийлигишпейт", — деп айтылат маалыматта.

Ошондой эле "Скай Мобайл" компаниясынын радиожыштыктарды сатып алуу темасы да козголгонун билдиришти.

Асрандиев радиожыштыктар мамлекеттин активи болуп саналарын жана мамлекет жыштык ээси катары пайда көрүүчү болушу керектиги тууралуу позициясын айтканы кабарланды.

"Ала-ТВ кайсы бир учурда бул жыштыкты минималдык баада сатып алган, бүгүн анын наркы алда канча жогору. Биз жыштыкты сатуу ачык сынак аркылуу ишке ашырылышы керек деп эсептейбиз", — деген вице-премьер.

Президент КР Сооронбай Жээнбеков - Sputnik Кыргызстан
Жээнбеков жардамчысын Кадр кызматынын жетекчи орун басары кылып дайындады
Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып, ага премьер-министрдин тиешеси бар экендигин билдирген. Ал эми өкмөт башчы Мухаммедкалый Абылгазиев билдирүү негизсиз деп жооп берген.

Эске сала кетсек, Байланыш боюнча мамлекеттик агенттиктин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда кармалган.

Ал эми 27-майда Абылгазиев радиожыштык чуусунан улам кыска мөөнөттүү эмгек өргүүгө кеткен.

Жаңылыктар түрмөгү
0