БИШКЕК, 31-май — Sputnik. Кыргызгидромет алдыдагы жумага аба ырайынын божомолун айтты.
Ага ылайык, апта ичинде өлкөнүн көпчүлүк аймактарында күн ысык болуп, абанын температурасы 35 градуска чейин жогорулайт.
31-майда Чүй, Талас, Ысык-Көл облустарында күн ачык болушу күтүлсө, Нарын, Ош, Жалал-Абад жана Баткенде күн күркүрөп, жаан жаашы ыктымал.
1-июнда Ош облусунан башка жерлерде жаан жаабайт, көпчүлүк аймактарда аптаптуу ысык болушу божомолдонду.
2-июндан 4-июнга чейин деле абанын температурасы кескин төмөндөбөйт. Ош, Нарын, Чүй, Талас, Жалал-Абадда жаан жаайт деп божомолдонгону менен абанын температурасы 22 градустан 35 градуска чейин ысык болору белгиленди.
