БИШКЕК, 27-май — Sputnik. Жалал-Абад облусуна караштуу Чаткал районунун мамлекеттик администрация башчысы — аким Канжарбек Эшалиев кызматынан бошотулду. Бул тууралуу өкмөттүн маалымат кызматы кабарлады.
Ага ылайык, тиешелүү буйрукка премьер-министр Мухаммедкалый Абылгазиев кол койгон.
"Канжарбек Эшалиев башка ишке которулгандыгына байланыштуу кызматынан бошотулуп, ордуна Жуманалы Накетаев аким болуп дайындалды", —деп айтылат маалыматта.
Жуманалы Накетаевди аким кылып дайындоо буйругуна өкмөт башчы кол койгону кошумчаланды.
Канжарбек Эшалиев Чаткал районун 2013-жылдын июнь айынан бери, тагыраагы, жети жылдан бери башкарып келе жаткан.
