Учурда COVID-19 жуктуруп алгандардын жалпы саны 682 болсо, алардын сегизи көз жумду. Илдетке чалдыккандардын арасында буга чейин кичинекей балдар да табылган учурлар болду.
Өлкөдөгү кооптуу жагдайдан улам Кыргызстандагы төрт шаар менен төрт районго өзгөчө абал киргизилип, ал жактагы кыймыл тыкыр көзөмөлгө алынды. Ооругандар дарыланып, кээ бирлери реанимацияда жатат.
Sputnik Кыргызстан абал боюнча бүгүн да окурмандарга текст, фото жана видео түрүндө маалымат берүүсүн улантат.
Бишкектеги №3 Үй-бүлөлүк дарыгерлер борборунун сегиз кызматкерине коронавирус жукту. Бул туурасында Шаардык саламаттык сактоо башкармалыгынын жетекчиси Бактыгүл Исмаилова билдирди.
Бул тууралуу психолог Айгүл Ысыкеева, "Психоанализ.кг" психотерапия борборунун жетекчиси Муратбек Султанбеков жана Транзакттык анализдөө европалык ассоциациясынын мүчөсү Ильдар Акбутин ой бөлүштү.
26-апрелде, Дубайдан 178 кыргызстандык Fly Dubai авиакомпаниясынын учагы менен Бишкекке келди. Бул тууралуу Республикалык штабдан билдиришти.
Жалал-Абад облусунун Ала-Бука районунда COVID-19 илдети менен ооруган жаш келинди дарыгерлер айыктырып чыгарышты. Дарыланган келиндин беш айлык боюнда бар болгон.
Бейтаптын айтымында, бул анын үчүнчү кош бойлуулугу, бактыга жараша коронавирус дарылоодо өтүшүп кеткен эмес.
Жаш келин стационарда 14 күндүк дарылануудан өтүп, ПЧР-анализин тапшырып терс жыйынтык чыккандан кийин үй карантинине жиберилди.
Маалыматты Республикалык штаб таратты.
Кытайда коронавирус жуктуруп алган бейтаптардын ичинен акыркы сегиз суткада бирөө да каза болгон эмес. Бул тууралуу Worldometers порталы маалымдады.
Портал Кытай бийлигинин расмий маалыматтарына таянып, өлкөдө COVID-19 боюнча абал турукташа баштаганын жар салды. Бул мамлекетте бейтаптардын 93 пайызы айыгып чыккан.
Кытайда жалпы жонунан бул өлкөдө коронавирус жуктурган 82 798 учур катталса, анын 77 207си айыгып чыккан.
· "Жамиля". Режиссерлору Ирина Поплавская, Сергей Юткевич (1968);
· "Мимино". Режиссеру Георгий Данелия (1977);
· "Мальчик, который обуздал ветер". Режиссеру Чиветел Эжиофор (2019);
· "Энеге алып барар жол". Режиссеру Акан Сатаев (2016);
· "Джентльмены удачи". Режиссеру Александр Серый (1971);
· "Бриллиантовая рука". Режиссеру Леонид Гайдай (1969);
· "Көк бөрү". Режиссеру Руслан Акун (2018);
· "Спитак". Режиссеру Александр Котт (2018);
· "Джентльмены". Режиссеру Гай Ричи (2019);
· "Звездочки на земле". Режиссерлору Аамира Хана жана Амоле Гупте (2007).
Sputnik Кыргызстан маалымат агенттиги Бишкектин көчөлөрүндө кайгуулда турган аскер кызматкери Авазбек Аманбеков менен байланышып, кайгуулдагылардын иши тууралуу билгенге аракет кылды.
“Азыркы учурда карантинге байланыштуу борбордун көчөлөрүндө автоунаалар аз. Ушундан пайдаланып, жогорку ылдамдыкта айдагандар кезигип жатат. Эгерде айдоочулар жол эрежелерин бузуп, жол кырсыгына кабылса, алардан өткөрмө кагаздары кайтарылып алынат”, - деди Бишкек шаарынын коменданты А.Орозалиев.
Коронавирус илдетинин экинчи толкуну башталат деп айтууга эрте, бирок министрлик буга даярданып жатат. Бул тууралуу саламаттык сактоо министринин орун басары Нурболот Үсөнбаев билдирди.
Анын айтымында, окуя кандайча өнүгүшү мүмкүн экени тууралуу ведомствонун түрдүү сценарийлери бар. Буга байланыштуу адистер даяр турушу керек.
Бишкек шаарында илдетке кабылгандар вирустун очогу болгон Ош облусундагы сандар менен теңелип калды.
Аймактар боюнча жуктургандардын саны:
Ош облусунда — 159;
Бишкек шаарында — 158;
Жалал-Абад облусунда — 111;
Ош шаарында — 109;
Нарын облусунда — 85;
Чүй облусунда — 44;
Баткен облусунда — 8;
Ысык-Көл облусунда — 8.
Ал эми Талас облусунда бир да учур каттала элек.
Өткөн жумада, 24-апрель күнү Стамбулдан алып келинген кыргызстандыктардан коронавирус аныкталган жок. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, чет өлкөдөн келген мекендештердин баары үй карантинине чыгарылып, аймактарга атайын транспорттор менен жеткирилип жатат.
"Бүгүнкү күндө 141 жаран транспорттун келишин күтүп жатат. Ал эми сегизинин үй карантининде болууга шарты жок болгондуктан обсервацияда жатат", - деди Үсөнбаев.
Бишкекте 128 адам үй карантинине чыгарылган.
Андан сырткары облустарга да кеткен:
Ош облусуна — 28,
Чүйгө — 86,
Жалал-Абадга — 35,
Ысык-Көлгө — 28,
Таласка — 15,
Нарынга — 14,
Баткенге 19 жаран узатылган.
“COVID-19 илдети менен ооругандардан 15 жашка чейинки мектеп окуучуларынын арасынан бир аз өсүш белгиленген. Алардын арасында оор учурлар жок”, - саламаттыкты сактоо министринин орун басары Н.Үсөнбаев.
"Аларды бөлүп карай келгенде Бишкек шаарынан – 10, Ош шаарынан – 2 киши жакшы болуп кетти. Ал эми облустар боюнча алганда Ош облусунан – 1, Жалал-Абад менен Нарын облустарынан алтыдан 12 киши оорудан арылды", - деди Үсөнбаев.
Англиянын Саламаттык сактоо башкармалыгы карантин учурунда D витаминин ичип турууну сунуштады. Бул тууралуу ВВС жазды.
"Адатта адам баласы бул витаминди жаз жана жай мезгилинде күндөн алат. Бирок учурда жер жүзүндөгү адамдардын көпчүлүк бөлүгү изоляцияда үйдөн чыкпай отурат. Алардын арасында айрымдарга чындап эле күндү көрүү мүмкүнчүлүгү жок. Андыктан D витаминин препарат түрүндө алуусу зарыл", — деп айтылат макалада.
