БИШКЕК, 26-апр. — Sputnik. Бүгүн, 26-апрелде, Чүй облусунда коронавируска кабылган 20 бейтап айыгып чыкты. Бул туурасында өкмөттүн облустагы өкүлчүлүгүнүн маалымат кызматы кабарлады.
Билдирмеге карганда, Чүй облусу боюнча COVID-19 инфекциясына чалдыккан 44 жаран катталган. Учурда айыгып чыккан тургундар үй карантининде болууда. Алардын саламаттыгына байкоо жүргүзүү жергиликтүү үй-бүлөлүк дарыгерлерге жүктөлгөн.
Аймактар боюнча бөлүп караганда төмөндөгүдөй:
- Аламүдүн району — 8;
- Кемин району — 6;
- Сокулук району — 3;
- Москва району — 1;
- Жайыл району — 1;
- Токмок шаары — 1.
Коронавирустун кесепети
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.
