БИШКЕК, 20-апр. — Sputnik. 20-апрелге карата Кыргызстанда коронавирус жуктуруп алган 201 бейтап сакайып, үйлөрүнө чыгарылды. Алардын басымдуу бөлүгү Ош облусунда. Бул тууралуу Саламаттык сактоо министрлигинин маалымат кызматы кабарлады.
Ага ылайык, Ош облусу боюнча коронавирустан 83 бейтап айыгып чыкса, Жалал-Абадда 67си сакайды. Бишкекте 39, Нарында алтоо, Ысык-Көлдө төртөө, Баткенде коронавирус жуктурган эки киши аман-эсен үйлөрүнө чыкты.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
