Исмаилова Кытайдан келген эксперттик топ менен жолугуп, пикир алмашты
Исмаилова Кытайдан келген эксперттик топ менен жолугуп, пикир алмашты
Sputnik Кыргызстан
Дарыгерлер өздөрү менен кошо 10 миң респиратор, 2 миң коргонуучу костюм жана жасалма дем алдыруучу аппарат, дары-дармек алып келген. 20.04.2020, Sputnik Кыргызстан
Дарыгерлер өздөрү менен кошо 10 миң респиратор, 2 миң коргонуучу костюм жана жасалма дем алдыруучу аппарат, дары-дармек алып келген.
БИШКЕК, 20-апр. — Sputnik. Вице-премьер-министр Аида Исмаилова гуманитардык жардам ала келген Кытайдын медициналык эксперттик тобунун делегация мүчөлөрү менен жолукту. Бул тууралуу өкмөттүн маалымат кызматынан кабарлашты.
Эске салсак, бүгүн Кыргызстанга Кытайдын медиктеринен турган топ өлкөдөгү коронавирус илдети менен күрөшүүгө көмөктөшүү үчүн келген.
Вице-премьер-министр Аида Исмаилова гуманитардык жардам ала келген Кытайдын медициналык эксперттик тобунун делегация мүчөлөрү менен жолукту.
Дарыгерлер өздөрү менен кошо 10 миң респиратор, коргонуучу 2 миң костюм жана жасалма дем алдыруучу аппарат, дары-дармек алып келген.
"Өлкөнүн эгемендик алган учурунан бери карай жакын жана достук мамиледеги өлкөлөр жана эл аралык өнөктөштөр өлкөбүзгө колдоосун берип, көмөгүн көрсөтүп келүүдө. Мындай өлкөлөрдүн катарына Кытай да кирет. Буга байланыштуу өлкөбүз үчүн кыйын кырдаалда көрсөтүлүп жаткан көмөгү үчүн терең ыраазычылык билдирип кетем. Кытай дүйнөдө алгачкы өлкөлөрдөн болуп коронавирустук инфекцияга туш болуп, кыйын учурду башынан өткөрдү. Ошол эле учурда кытай дарыгерлеринин коронавирус инфекциясына каршы күрөшүндө натыйжалуу жыйынтыктарды байкоодобуз", - деген Исмаилова.
Кыргызстанда коронавирус жуктуруп алгандардын саны 568ге жетти. Анын ичинен 201и айыгып, жетөө каза болду. 140 медицина кызматкеринен коронавирус аныкталган.
