Саясат таануучу: АКШ менен Кытайдын ортосунда саясий согуш башталышы мүмкүн

© REUTERS / Damir SagoljАКШ жана Кытайдын фонунда кишинин колу. Архив
АКШ жана Кытайдын фонунда кишинин колу. Архив - Sputnik Кыргызстан
Жазылуу
Буга чейин Американын Fox News телеканалы COVID-19 жуктурган биринчи киши Ухандагы лабораторияда иштеген адам болгонун жазган.

БИШКЕК, 20-апр. — Sputnik. АКШ менен Кытайдын ортосунда саясий согуш башталып кетиши мүмкүн. Мындай пикирин Россиянын Федерация кеңешинин мүчөсү, саясат таануучу Алексей Пушков Twitter баракчасына жазды.

“Кытай менен АКШнын тирешүүсү мурдатан эле байкалып турган. Алгач ал соода согушу аркылуу көрүнчү. Бирок эгер Кошмо Штаттар Кытайды кайсы бир максатты көздөп COVID-19 тууралуу маалыматтарды жашырып жатат деп айыптаса, тирешүүлөр саясий согуш формасына өтүшү ыктымал", — деп жазган Пушков.

АКШнын президенти Дональд Трамп. Архив - Sputnik Кыргызстан
Алмак-салмак таратылган билдирүү. Трамп COVID-19 боюнча Кытайга таш ыргытты
Буга чейин Американын Fox News телеканалы маалымат булактарына таянып, COVID-19 жуктурган биринчи бейтап Ухандагы Вирусология институтунун лабораториясында иштеген адам болгон деп жар салган. Каналдын маалымат булактарынын бири Кытайды тарыхтагы "эң кымбат операциянын далилдерин жашырды" деп күнөөлөгөн. Муну менен катар лаборатория биологиялык куралды жасабаганы, болгону кытайлык окумуштуулардын вирусту изилдеген жыйынтыктарын көрсөткөнү маалымдалган.

Кытайдын ТИМи алар коронавирус инфекциясынын эпидемиясы боюнча маалыматтар жаатында башынан эле ачык жана жоопкерчиликтүү позицияны кармап келе жаткандыгын билдирген эле.

Бул айыптоого Кытайдын Тышкы иштер министрлигинин расмий өкүлү Чжао Лицзянь коронавирус атайын иштелип чыкканы жана Ухандагы лабораториядан “коё берилгени” туурасында эч кандай илимий далилдер жок экенин бир нече ирет айтканын билдирүү менен жооп берген.

Кытай бийлиги 2019-жылдын 31-декабрында Дүйнөлүк саламаттык сактоо уюмуна өлкөнүн борбордук бөлүгүндөгү Ухань шаарында (Хубэй провинциясында) өпкө дартына чалдыктырган белгисиз вирустун тараганын билдирген. Адистер аны жаңы коронавирус козгогондугун айтышкан. ДССУ вируска кийинчерээк расмий аталыш берген.

Москва Кремли. Архив - Sputnik Кыргызстан
Коронакризис Кытай — АКШ — Россия үчтүгүн түптөйт. Жаңы дүйнөнүн жаралышы
Аталган уюм 2020-жылдын 11-мартында COVID-19 коронавирус инфекциясынын дүйнөлүк пандемиясын жарыялаган. ДССУнун соңку маалыматтарына караганда, ал 2,2 миллион адамга жугуп, 152 миңден ашуун киши көз жумган.

Ал эми Кыргызстанда коронавируска кабылган адамдардын саны 568ге жетти. Анын ичинен 201 бейтап айыгып, ооруканадан чыгарылды. Тилекке каршы, жетөө каза болуп калды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0