БИШКЕК, 20-апр. — Sputnik. АКШ менен Кытайдын ортосунда саясий согуш башталып кетиши мүмкүн. Мындай пикирин Россиянын Федерация кеңешинин мүчөсү, саясат таануучу Алексей Пушков Twitter баракчасына жазды.
Столкновение между США и Китаем предсказывали давно. Сначала оно нашло своё выражение в торговой войне. Но в случае, если США решат обвинить Китая в намеренном сокрытии данных о Covid-19, это столкновение может принять форму политической войны с бактериологическим оттенком.
— Алексей Пушков (@Alexey_Pushkov) April 19, 2020
“Кытай менен АКШнын тирешүүсү мурдатан эле байкалып турган. Алгач ал соода согушу аркылуу көрүнчү. Бирок эгер Кошмо Штаттар Кытайды кайсы бир максатты көздөп COVID-19 тууралуу маалыматтарды жашырып жатат деп айыптаса, тирешүүлөр саясий согуш формасына өтүшү ыктымал", — деп жазган Пушков.
Кытайдын ТИМи алар коронавирус инфекциясынын эпидемиясы боюнча маалыматтар жаатында башынан эле ачык жана жоопкерчиликтүү позицияны кармап келе жаткандыгын билдирген эле.
Бул айыптоого Кытайдын Тышкы иштер министрлигинин расмий өкүлү Чжао Лицзянь коронавирус атайын иштелип чыкканы жана Ухандагы лабораториядан “коё берилгени” туурасында эч кандай илимий далилдер жок экенин бир нече ирет айтканын билдирүү менен жооп берген.
Кытай бийлиги 2019-жылдын 31-декабрында Дүйнөлүк саламаттык сактоо уюмуна өлкөнүн борбордук бөлүгүндөгү Ухань шаарында (Хубэй провинциясында) өпкө дартына чалдыктырган белгисиз вирустун тараганын билдирген. Адистер аны жаңы коронавирус козгогондугун айтышкан. ДССУ вируска кийинчерээк расмий аталыш берген.
Ал эми Кыргызстанда коронавируска кабылган адамдардын саны 568ге жетти. Анын ичинен 201 бейтап айыгып, ооруканадан чыгарылды. Тилекке каршы, жетөө каза болуп калды.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
