Төртөөнүн абалы оор. Коронавирус жуктурган медиктердин көбү Бишкекте

© Sputnik / Павел Львов / Фотобанкка өтүүДарыгер коопсуз костюмчан жаана бет капчан областтык ооруканада иш учурунда. Архив
Дарыгер коопсуз костюмчан жаана бет капчан областтык ооруканада иш учурунда. Архив - Sputnik Кыргызстан
Жазылуу
Yandex newsTelegram
Вирус жуктурган медиктердин 38и дарыгер, 54ү орто медперсонал болсо, 22си кенже медперсонал. Ал эми калган 20сы саламаттык сактоо уюмунун башка адистери экени кошумчаланды.

БИШКЕК, 19-апр. — Sputnik. Коронавирус жуктурган медиктердин ичинен төртөөнүн абалы оор. Бул тууралуу Саламаттык сактоо министрлигинин маалымат кызматы кабарлады.

Ага ылайык, өлкөдө 19-апрелге карата 134 медицина кызматкеринен коронавирус аныкталды. Алардын көбү Бишкекте.

"Коронавирус жуктурган медиктердин 48и Бишкекте. Ош шаарында – 40,  Ош облусунда – 18, Жалал-Абадда – 12, Нарында -11, Чүй облусунда  – 2,  Баткенде үч медицина кызматкеринен коронавирус табылган", — деп айтылат маалыматта.

Жалпы жуктурган медиктердин 38и дарыгер, 54ү орто медперсонал болсо, 22си кенже медперсонал. Ал эми 20сы саламаттык сактоо уюмунун башка адистери экени кошумчаланды.

"Булардын ичинен төрт медиктин абалы оор. Ал эми айыккандар боюнча так сан жок. Анткени алар жалпы бейтаптар менен чогуу эсептелет", — деди министрликтин маалымат кызматы.

Коронавирус кесепети

Кыргызстанда коронавирус жуктуруп алган бейтаптардын саны 554кө жетти. Анын ичинен 134ү медицина кызматкерлери. Илдеттен 133 адам айыгып чыкса, бешөө көз жумду.

Ситуация в США из-за коронавируса - Sputnik Кыргызстан
Үч күн тура албай ыйладым. Коронавирус жуктурган медиктин жан азабы
Эске салсак, Кыргызстандын төрт шаары жана төрт районуна 30-апрелге чейин өзгөчө абал режими киргизилген. Бул аймактарда кечки саат 9.00дөн эртең мененки 6.00гө чейин коменданттык саат иштейт.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Жаңылыктар түрмөгү
0