БИШКЕК, 15-апр. — Sputnik. Кыргызстан шашылыш түрдө Эл аралык өнүктүрүү ассоциациясынан 12 миллион 150 миң доллар алганы жатат. Бул боюнча мыйзам долбоорун ратификациялоо үчүн саламаттык сактоо министри Сабиржан Абдикаримов Жогорку Кеңешке алып келди.
Аталган каражаттын 6,075 миллион доллары грант, калган 6, 075 миллиону кредит түрүндө 0,75 пайыздык чен менен алты жылдык мөөнөткө берилет.
13 Чын Куран 2020, 08:48
Министрдин айтымында, аталган каражат медицина кызматкерлерин окутууга, өздүк коргонуу каражаттарын алууга, транспорт уюштурууга, өткөрүү пунктуларын модернизациялоого жумшалат. Лабораторияларга, айрым ооруканалардын интенсивдүү терапия бөлүмдөрүнө керектүү жабдуулар алынат. Коронавирустан жабыркаган бейтаптарга дары-дармек жана башка медициналык товарлар сатып алынат.
Мындан сырткары, ушул каражаттын эсебинен жугуштуу оорулар ооруканалары, санэпидемстанциянын лабораториялары оңдолот.
Депутаттар бул мыйзам долбоорун суроо, талкуусуз добуш берүүгө жөнөттү.
