Бул туурасында РИА Новости жазды.
Асмандагы май куюу процесси YouTube каналына жарыяланды.
Ал 5000 метрден ашуун бийиктен тартылган. Учуп келе жаткан Ту-160тын тумшук жагындагы темир ачылганын, анын алдында оңтоюн келтирип абада калкыган Ил-78 аба танкерин көрүүгө болот. Маалыматта асмандагы эки ири техниканын аралыгы 30 метрге чукул экени жазылган.
Экинчи аба техникасынын май куюучу түтүгү менен бомбалоочу учакка май куюп жатканы даана тартылган.
Ведомствонун сайтында бул процесс Ту-160 сегиз сааттан ашык учкандыктан ишке ашкандыгы жазылган. Май куюу катаал шартта, тагыраагы, капталдан урган катуу шамал учурунда жасалган.
