БИШКЕК, 28-фев. — Sputnik. Коронавирус жайылып жаткан өлкөлөрдө болжол менен 13 миңге жакын Кыргызстандын жараны бар. Бул тууралуу Тышкы иштер министрлиги Sputnik Кыргызстандын сурамына берген жообунда айтылат.
Белгилей кетсек, бир ай мурда Кытайдын Ухань шаарында чыккан коронавирус тездик менен жайылып, Япония, Түштүк Корея, Иран жана Италияда күч алганы белгилүү болду. Кыргызстан аталган өлкөлөрдөн келгендерге карантиндик тартип киргизди. Ошондой эле аларды убактылуу киргизбей туруу пландалууда.
ТИМдин маалыматы боюнча, учурда аталган төрт өлкөдө жүргөн кыргызстандыктардын болжолдуу саны төмөндөгүдөй:
- Түштүк Корея — 6 500;
- Италия — 5 500;
- Япония — 552;
- Иран — 67.
Ал эми коронавирустун очогу болгон Кытайда 271 кыргызстандык жүргөнүн вице-премьер Алтынай Өмүрбекова парламентте маалымат берип жатып билдирди.
Бүгүн эле Япониядагы Diamond Princess лайнеринде иштеген кыргызстандык жигиттин коронавирус жуктуруп алганы аныкталды. Учурда ал ошол жактагы ооруканалардын биринде жатат. Бул кыргызстандыктарга байланышкан биринчи факт.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
