БИШКЕК, 28-Фев. — Sputnik. Япониядагы Diamond Princess лайнеринде иштеген кыргызстандык жигиттин коронавирус жуктуруп алганы аныкталды. Бул тууралуу маалымат жыйын учурунда тышкы иштер министринин орун басары Нурлан Абдрахманов билдирди.
Анын айтымында, кыргызстандыкты Япониядагы ооруканалардын бирине жаткырышты.
"Мурдараак аны менен бир бөлмөдө жашаган адам вирус жуктуруп алып, ооруканага түшкөн. 26-февраль күнү мекендешибиздин анализи дагы коронавирус бар экенин көрсөттү", — деди Абдрахманов.
Ал кошумчалагандай, Кыргызстандын коронавирусту алдын алуу боюнча штабы кыргызстандык менен дайым байланышта болуп жатат.
Белгилей кетсек, 3,7 миң жүргүнчүсү менен саякатка чыккан Diamond Princess кемеси 5-февралда карантинге алынган. Анын бортунда бир кыргызстандык бар болчу. Sputnik Кыргызстан агенттиги аны менен байланышып, абалын билген. Агезде ал ден соолугу жакшы экенин билдирген болчу.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
