БИШКЕК, 25-дек. — Sputnik. Кыргызстандын президенти Сооронбай Жээнбеков Евразия экономикалык биримдик менен өлкөнү эмне байланыштырып турарын түшүндүрдү.
Мамлекет башчы Кыргызстан ЕАЭБдин тизмесинде татыктуу орунда турарын баса белгилеп, өлкөгө көп өлчөмдө жеңилдиктер бөлүнгөнүн эскертип кетти.
"Эгерде биримдикке киргенге чейинки же андан кийинки абалды салыштырсаңыздар, жыйынтыгын байкайсыңар. Биздин экспорт, буюрса, ЕАЭБ менен Евразияга тоскоолдуксуз кирет", —деди Жээнбеков.
Мындан сырткары, ал Россия Кыргызстанга бир топ жардамын көрсөтүп келе жаткандыгын кошумчалады.
Президенттин маалымат жыйынында эмне тууралуу сөз болуп жатканын Sputnik Кыргызстандын тексттик трансляциясынан окуңуздар.
