БИШКЕК, 14-дек. — Sputnik. Соңку убакта пара алуу боюнча катталган фактылардын саны кескин кыскарды. Бул тууралуу Улуттук статистикалык комитет билдирди.
Аталган ведомство 2014-2018-жылдар аралыгындагы кылмыштар боюнча статистиканы жарыялаган. Ага ылайык, катталган кылмыштардын саны жыл сайын 27-29 миңдин тегерегинде болот.
Тагыраак айтканда, адам өлтүрүү, кол салуу, карактоо жана баңгизатты мыйзамсыз жүгүртүү кылмыштары азайган. Ал эми уурулук көбөйгөнү белгиленген.
Ошол эле учурда пара алуу фактылары кыскарганы айтылат.
- 2014 — 122 факты;
- 2015 — 123 факты;
- 2016 — 100 факты;
- 2017 — 57 факты;
- 2018 — 45 факты.
Кылмыш саны эмненин негизинде азайганы түшүндүрүлгөн эмес.
