Биз жаңыланган борбордук көчөнүн асмандан көрүнүшүн тарттык.
Сентябрь айынан бери көчөнүн унаа өткөн бөлүгүнө жаңы асфальт төшөлүп, жол белгилери коюлуп, люктары оңдоло баштаган. Тротуарлары ремонттолгон эмес.
Москва көчөсү борбор калаанын чок ортосунан өткөндүктөн анын жабылышы менен бир катар ыңгайсыздыктар жаралып, башка жолдордо ири автотыгындар пайда болгон. Киев, Бөкөнбаев жана Токтогул көчөлөрү машиналарга жык толгон. Ошол себептен Токтогул көчөсүн убактылуу эки тараптуу кылуу чечими кабыл алынган. Эртеңден тарта жол тыгын азыраак болору күтүлүүдө.
