БИШКЕК, 16-окт. — Sputnik. UFC уюмунун чемпиону Хабиб Нурмагомедов швециялык чабуулчу Златан Ибрагимовичтин "Матрица" киносунун баш каарманынын кыймылына окшогон челленджинин чакырыгына жооп берди. Бул туурасында Р-Спорт жазды.
Челлендждин уюштурулганы буга чейин айтылган. Эреже боюнча топту баштан өйдө тээп, ал түшүп келе жатканда чалкалап, төшү менен тосуп кармап турушу керек. Ал белгилүү теннисчи Новак Джоковичке, футбол агенти Мино Райол, футболчу Поль Погба жана UFC чемпиону Хабиб Нурмагомедовго дагы бул ыкманы жасоого чакырык таштаган.
Matrix challenge: @paulpogba @DjokerNole @TeamKhabib @MinoRaiola SHOW ME #matrixchallenge pic.twitter.com/ZEUk8o0Wi0
— Zlatan Ibrahimović (@Ibra_official) 27 сентября 2019 г.
Мушкер Instagram баракчасына популярдуу тиркеменин жардамы менен жасалган сүрөтүн жүктөп, Ибрагимовичтин аккаунту менен челлендждин хэштегин жүктөгөн. Тиркеме ал швециялык футболчуга окшош экендигин көрсөткөн.
Россиялык мушкер Хабиб Нурмагомедов жеңил салмак категориясы боюнча UFC чемпиону. ММА боюнча 28 беттешти утуп, бир да ирет жеңилген эмес.
