БИШКЕК, 21-сен. — Sputnik. Арсен Өмүралиев атындагы Бишкек шаардык драма театры күзгү сезонду жаңы спектаклдер менен баштай турганын билдирди.
Ага ылайык, жаңы спектакль "Алмалуу бак" деп аталат. Пьесанын автору — белгилүү жазуучу Антон Чехов.
"Оюнду Россиядан келген режиссёр Татьяна Захарова сахналаштырууда. Премьера 25-сентябрда кечки саат 19:00дө башталат. Ага удаа эле Эл аралык кичи формадагы IMPULSE театралдык фестивалы да старт алат. Фестивалга Швеция, Россия, Молдова, Казакстандан артисттер келип катышары күтүлүүдө", — деп айтылат маалыматта.
Фестивалдын программасы:
- 25-сентябрь, 19:00дө "Алчалуу бак" спектакли. Режиссёру Татьяна Захарова. Арсен Өмүралиев атындагы Бишкек драма театрынын артисттери аткарат;
- 26-сентябрь, 19:00дө "Соло из Ямы" спектакли. Автору жана аткаруучусу Швециядагы театрдын артисти Элиас Файнгерш;
- 27-сентябрь, 19:00дө "Три жизни Айседоры Дункан" спектакли. Автору Зиновий Сагалов, режиссёру Мария Пальницская, аткаруучу Яна Лазарь. Молдовадагы Антон Чехов атындагы театрдын кызматкерлери;
- 28-сентябрь, 19:00дө "Пугачев Рождение" спектакли. Режиссёр Алексей Шемес Сергей Есениндин поэмасынын негизинде жазган, аткаруучу Марат Амираев. Казакстандагы Байтен Оморов атындагы "Жаз сахна" театры;
- 29-сентябрь, 19:00дө "Малявочка" моноспектакли. Федор Достоевскийдин романынын негизинде Россиядагы "Ведогонь-Театрынын" актёру Павел Курочкин аткарат.
