Прокуратура: Карамушкина кишилерди барымтага алууга катышкан деп шектелүүдө

© Sputnik / Табылды КадырбековЖогорку Кеңештин депутаты Ирина Карамушкина. Архив
Жогорку Кеңештин депутаты Ирина Карамушкина. Архив - Sputnik Кыргызстан
Жазылуу
Yandex newsTelegram
Эл өкүлү ага карата бир дагы далил жок экенин белгиледи.

БИШКЕК, 22-авг. — Sputnik. Жогорку Кеңештин депутаты Ирина Карамушкина Кылмыш-жаза кодексинин 244-беренеси ("Кишилерди барымтага алууга катышуу") боюнча шектелип жатат. Эл өкүлүнө бул боюнча маалымат берилгенин Башкы прокуратурадан билдиришти.

Депутат социалдык тармактагы баракчасына массалык башаламандык уюштурууга шектелип жатканын жазды. Бирок кодекс боюнча 244-беренеде кишилерди барымтага алууга катышуу жөнүндө гана жазылган.

"Башкы прокурор мени массалык башаламандыкты уюштурду деген берене боюнча күбөдөн шектүүгө айландырды. Көрсө мен укук коргоочуларды сабатуу үчүн элге акча таратыптырмын. Бир дагы далил келтире алышкан жок. Мыйзамдуулук жок бизде!" — деди депутат.

Кой-Таш окуясы

 Биринчи Май райондук сотунда мурдагы президент Алмазбек Атамбаевдин кармалышы боюнча иш - Sputnik Кыргызстан
Атамбаевдин кармалышы мыйзамдуу деп табылды. Соттук иш кандай өттү
Эскерте кетсек, 7-8-август күндөрү Алмазбек Атамбаевди кармоо боюнча Кой-Ташта атайын операция жүргөн. Мурунку президенттин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 130дан ашуун киши ар кандай жаракат алган.

Ички иштер министринин мурунку орун басары Курсан Асановдун сүйлөшүүсүнөн кийин Атамбаев багынып берген. УКМКга алып келинген мурунку президент Биринчи Май райондук соту 26-августка чейин камакка алынган.

16-август күнү Атамбаевдин жактоочулары тарабынан берилген доо арыздын негизинде көчмө жыйын өтүп, Бишкек шаардык соту аны камакта калтыруунун мөөнөтүн ошол боюнча калтырган.

20-августта анын камактагы мөөнөтү бир айга узарган.

Жаңылыктар түрмөгү
0